Levítico 13:9

Aymar Bibliia 1986

“Cunapachatejj mayni jakejj lepra llaganacanïnejja, ucapachasti sacerdoten ucaruw sarani.

Jak'a apnaqawi uñst'ayäwi

Levítico 13:10

Sacerdotew juparojj suma uñjjataraquini, ucat uca janchin p'usupatejj jank'öchejja, uqhamarac uca ñic'utasa jank'oru tucutächejja, uqhamarac uca janchisa wilaru tucutächejja,

Levítico 13:2

“Cunapachatejj mayniru janchipajj p'usuni, jan ucajj phallatatanisa, jan ucajj janchipana manchanacasa uñstani, jan ucajj mä llaganacasa lepra usur uñtata uñstani, ucapachasti uca jakejj sacerdoten ucaru apatäñapawa, Aaronan ucaru, jan ucajj Aaronan mayni wawanacapan ucarusa.

Levítico 13:8

Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu.