Levítico 13:3

Aymar Bibliia 1986

Sacerdotew uca janchipan llaganacapjja uñjjataraquini, sumwa uñaquiparaquini, ucatsti uca janchin ñic'utapatejj jank'o tucuwayjjchejja, uqhamarac uca llagasa juc'ampi mankharu mantawayaracchejja, ucapachasti amuyatäjjaspawa uca llagajj lepra usun llagapätapa. Sacerdotesti uca jakeru uqhama suma uñj-jjasajja k'añütapwa khanañchjjaraquini.

Jak'a apnaqawi uñst'ayäwi

Génesis 13:3

Néguev toketsti juc'at juc'atwa cuttanjjäna, Betel marcar puriniñcama, ucatsti cawqharutejj nayrakatajj carpa sayt'ayascatayna uca chekaruw cuttawayjjäna, Betel uqhamarac Hai sisquejj uca marcanac taypiru.

Ezequiel 16:30

Naya Tatituw ucjja arsta. ¡Chuymamasti uca ñankha luräwinac lurañataquejj usutäcaspas uqhamänwa, jan p'enkani, jan wali sarnaker warminacjama!

Ezequiel 44:23

“Sacerdotenacasti marcajjarojj yatichapjjañanacaparaquiwa cunatejj kollanäqui cunatejj jan kollanäqui ucanacjjata, uqhamaraqui cunatejj k'omäqui, jan k'omäqui ucanacatsa.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Levítico 10:10

uqhamat jumanacajj cunatejj kollanäqui, uqhamarac cunatejj ñankhäqui, cunatejj k'añüqui, uqhamarac cunatejj k'omäqui ucanacjja suma amuyapjjañanacamataqui,

Levítico 13:10

Sacerdotew juparojj suma uñjjataraquini, ucat uca janchin p'usupatejj jank'öchejja, uqhamarac uca ñic'utasa jank'oru tucutächejja, uqhamarac uca janchisa wilaru tucutächejja,

Levítico 13:2

“Cunapachatejj mayniru janchipajj p'usuni, jan ucajj phallatatanisa, jan ucajj janchipana manchanacasa uñstani, jan ucajj mä llaganacasa lepra usur uñtata uñstani, ucapachasti uca jakejj sacerdoten ucaru apatäñapawa, Aaronan ucaru, jan ucajj Aaronan mayni wawanacapan ucarusa.

Levítico 13:20

Sacerdotejja llaga uñjjatasinjja, janchina juc'ampi p'iyantatäjjatapatsti, uqhamarac ñic'utasa jank'o tucjjataparaqui uñjani, ucapachasti sacerdotejj uca jakerojj k'añutwa khanañchjjaraquini, uca llagapajj lepra llagätap laycu.

Levítico 13:4

“Ucat janchin manchapatejj jank'öchejja, ucampisa janiraqui juc'ampi janchejja p'iyantata uñjasquiti, janiraqui ñic'utasa jank'o tuccaraquiniti, ucapachasti sacerdotejj uca usut jakerojj pakallko uruw jist'antaraquini.

Levítico 13:8

Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu.

Levítico 14:37

“Uca uta uñjasatejj sacerdotejj amuyaraquini, uca perkanacanjja manchanaca utjatapa uca manchanacasti ch'ojjñätapa jan ucajj wilätapsa, ucampisa perkanjja juc'ampi mankharu mantatätaparaqui,

Levítico 14:54

Take ucanacawa yatichäwinacajja cawquïri lepra usunacatejj, jan ucajja tiña sat usunacasa uñstani ucanaca k'omachañataquejja.

Levítico 14:56

uqhamarac cawquïri p'usunacatejj uñstani, jan ucajj janchis phallarani, jan ucajj manchanacasa janchin uñstani ucapachasa,

Levítico 5:3

“Maynitejj jaken cuna k'añupsa llamct'anejja, cuna k'añuchiripsa, janisa ucapachajj amuyascpa, ucat khepata amuyasjjani ucapachasti juchañchataw uñjasini.

Hageo 2:11

ucasti take ch'amani Tatitun sutiparu sacerdotenacaru ley toket jisct'añataquiw arsuraqui aqham sasa:

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Mateo 16:19

Churaraquïmaw Diosan reinopan llavenacapsa. Cuntejj jumajj acapachan chint'cätajj ucajja, alajjpachan chint'ataraquïniwa, cuntejj jumajj acapachan jararcätajj ucajja, alajjpachan jararataraquïniwa —sasa.

Juan 20:23

Jumanacatejj mayninacan juchanacapjj perdonapjjstajja, ucanacajj perdonatäjjewa; janitejj perdonapcstajja, ucanacajja janiraquiw perdonatäpquiti —sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Romanos 7:7

Jichhasti ¿cun sañänisa? ¿Leyejj juchati? Janiw cunäquipansa. Ucampis janiw nayajj yatquiriscäyätti cunatejj juchäqui ucjja janitejj uca leyejj utjcasapän ucajja. Amuyt'añäni, janiw nayajj yatquiriscäyätsa cunatejj jakenquir munañäqui ucjja janitejj leyejj uc khanañchcasapäna: “Jan jakenquir munamti” sasa, ucajja.

1 Timoteo 1:20

Himeneompi Alejandrompejj uqhamaraquiw lurapjje, ucanacarusti nayajj Supayaruw catuyta arunacapampi Diosar jan juc'amp jisc'achapjjañapataqui.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Hebreos 13:7

Amtasipjjaraquim qhitinacatejj irpapcäyätam, uqhamarac Diosan arunacapsa parlapcäyätam ucanacatjja. Amuyapjjam cunjämas jacäwinacapajja ucatsti iyawsäwip arcapjjam.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.