Levítico 12:6

Aymar Bibliia 1986

“Cunapachatejj uca k'omachasiña urunacajj phokhasjjani, mä yokall wawa jan ucajj mä imill wawa wawachasitapatjja, ucapachasti taycajj Tatitumpi Jiquisiñ Carpäquis uca nayrakataruw sarani mä marani orko oveja apjjaruwayaraquini Tatitutaqui k'ala nact'ayasa loktaraquini, mä paloma wawampi jan ucajj mä palomampsa, juchanacat sacrificio loktatäcaspas uqhama. Sacerdoteruw take ucanacajj catuyatäjjani,

Jak'a apnaqawi uñst'ayäwi

Génesis 15:9

Diosasti ucjjarojj saraquïnwa: —Mä kachu vaca kallumpi, mä cabrampi, mä orko ovejampi apanim, ucanacasti quimsa marancamäñapawa, uqhamarac mä khorucutu, mä paloma wawampi cuna —sasa.

Levítico 12:2

“Israelitanacarusti aqham saraquim: Cunapachatejj mä warmejj usur jakeptani, ucatsti mä yokall wawa wawachasiraquini, uca warmisti pakallko urucamawa k'añu uñjasini, cunjämatejj phajjsi wilapan jutatajj uñjasirïqui uqhama.

Levítico 12:5

Ucampisa, cunapachatejj mä imill wawa wawachasini ucapachasti pä semanaw k'añu uñjasiraquini, cunjämatejj phajjsi wilapan jutatajj uñjasirïqui uqhama, ucatsti wila jutatapatjja sojjta tunca sojjtani urunacampiw k'omachasiscaquini.

Levítico 12:7

sacerdotesti ucanacjja Tatitun nayrakataparuw loktjjaraquini, uqhamat jupataqui juchata pampachatäña jicjjatañataqui; uqhamataracwa uca warmejj wila jutatapatjja k'omachata uñjasjjaraquini.” Ucawa yatichäwinacajja mä yokall wawana jan ucajj mä imill wawana naciñapa tokenacatjja.

Levítico 14:22

pä palomampi jan ucajj pä palom wawampsa, kawkhatejj kollkepajj utjarapqui uqhamarjama; maya jucha luratata sacrificio loktatäcaspas uqhama, maysti takpacha nact'ayaña ofrendäcaspasa uqhamaraqui.

Levítico 15:14

Quimsakallko ururusti pä paloma jan ucajj pä palom wawanacwa caturaquini, ucatsti ucanac apt'atajj Tatitumpi Jiquisiñ Carpäquis uca nayräjjaruw sararaquini, take ucanaca Tatitun nayrakatapana sacerdoter catuyjjañataqui.

Levítico 15:29

Quimsakallko urunacarusti pä paloma caturaquini jan ucajj pä palom wawanacsa, ucatsti ucanacjja sacerdoten ucaruw apjjaraquini Tatitumpi Jiquisiñ Carpa nayrakataru.

Números 6:10

Quimsakallko uru purinipansti, sacerdoten ucaruw apani pä tórtola sat jamach'inaca, uqhamarac pä paloma wawanaca Jiquisiñ Carpäquis uca mantañaru.

Lucas 2:22

Moisesan leyinacaparjama jupanacan k'omachasïwi urunacapa phokhasjjëpansti, wawarojj Jerusalén marcaruw apjjapjjäna Tatitur uñstayañataqui.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.