Levítico 11:42

Aymar Bibliia 1986

“Cawquïri catarinacatejj orakenjama katatnaktqui ucsti janipuniw mank'atäñapäquiti, puracapampisa orakenjama katatnactascpan jan ucajj pusi cayumpisa, jan ucajj walja cayunacampisa orakenjam sarnakascpan, ucanacasti janipuniw mank'atäñapäquiti, wali ajjtascañ animalanacäpjjatap laycu.

Jak'a apnaqawi uñst'ayäwi

Génesis 1:20

Ucjjarojj Diosajj saraquïnwa: “Umanjja take casta animalanac utjpan, uqhamarac orakenjja altokata thoknakeri jamach'inacas utjaracpan” sasa.

Isaías 65:25

Kamakempi, ovejampisti mayaquiw mank'apjjani, leonasti vacar uñtataraquiw pasto mank'ani, cataristi lak'a jallk'araquini. Nayan kollan kollojjansti janiraquiw qhiti ñankha luriris utjcaniti.” Tatituw uqhamjja arsu.

Levítico 11:41

“Cawquïri lak'onacatejj orake patanjama katatnaktqui ucanacan aychapsti janipuniw mank'apjjätati, uca lak'onacasti ajjtascaña lak'onacaraquiwa.

Levítico 11:43

Jan jumanacajj k'añuchasipjjamti, ni ajjtascañasa tucupjjaraquimti uca katatnaktiri animalanac mank'asajja,

Miqueas 7:17

¡Catarinacjamaraqui lak'a jallk'apjjpan, uqhamaraqui yakha casta animalanacjama! ¡Tapanacapatsti qhathatt'asisa mistunipjjpan, ajjsart'asisaraqui juman ucarus jutapjjpan, nanacan Dios Tatitojja!

Mateo 23:23

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

2 Corintios 11:13

Jupanacasti c'ari apostolonacaquïpjjewa, sallkjerinacaraqui, Criston apostolonacapäcaspas uqhamaw tucupjje.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

Tito 1:12

Pachpa Creta islanquir profetapaw marca masinacap toke arsüna: “Cretanquirinacajj c'arïpjjapuniwa, ajjsarcañ animalanacjama, sinti mank'erinaca jayra jakenacäpjjewa” sasa.