Levítico 11:32

Aymar Bibliia 1986

“Uca quipcaraquiwa uca jiwat animalanacatejj mä cunjjarusa liwjjattani ucajja k'añuchataw uñjasjjaraquini. Maderat lurata yänacäpasa, mä isïpasa, jan ucajj lip'ichïpasa, mä costaläpasa, jan ucajj mä cuna herramientäpasa, ucasti umaru uscuntatäñapawa, ucatsti jayp'ucama k'añuraquiw uñjasini; uca khepatwa k'omäjjaraquini.

Jak'a apnaqawi uñst'ayäwi

Levítico 11:31

“Take animalanac taypinsti uca animalanacarojj mä k'añu animalanacat uñt'apjjäta. Cawquïri jaketejj uca jiwat animalanacaru llamct'apjjani ucanacasti jayp'thapiñapcama k'añuraquiw uñjasipjjani.

Levítico 14:46

Cawquïritejj uca utaru mantcani, sacerdotejj jist'antaycatayna uca urunacanjja, uca jakesti jayp'ucama k'añut uñt'atäniwa.

Levítico 15:12

“Uca jatha aywiyiri jaketejj mä ñek'e phuqhu llamct'ani, uca phuqhusti p'acjatäjjaraquiniwa; ucampisa maderat lurata yänacasti jarekatäjjaraquiniwa.

Levítico 15:15

Sacerdotesti mayjja jucha luratat sacrificio loktjjaraquini, maysti takpacha nact'ayasaw loktjjaraquini. Uqhamatwa take uca k'omachasïwi lurañanacjja Tatitun nayrakatapana phokharaquini, uca jatha aywiyiri usun jaketaquejja.

Levítico 16:26

ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Levítico 17:15

“Cawquïri israelita jaketejja jan ucajj cawquïri yakha marcat jutasina jumanac taypina jaquiri jakesa mä jiwat uywan aychapa jan ucajj mä monte animalan jiwayata uywan aychapsa mank'ani ucasti isipjja t'ajjsokasjjañapawa, uqhamaraqui jupa quipcasa umampiw jarekasjjaraquini, ucatsti k'añut uñt'ataquipunïscaniwa jayp'ucamajja. Uca khepatwa jupajj k'omachata uñjasjjaraquini.

Levítico 22:6

uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Levítico 6:28

Loktäwinaca churaña aychajj ñek'e phuqhur khatiyatänejja ucasti p'acjatäjjañapawa, ucampisa uca loktäwitejj broncet lurata phuqhuru khatiyatänejja, ucasti kaksusina umampi aytsutäjjañapawa.

Números 19:15

Take cawquïri vasijanacatejj jan khopintata jicjjatasipjjani, khopiñasa jan wali khopintata, ucanacasti k'añuchataw jicjjatasipjjani.

Números 19:7

Ucatsti sacerdotejj isipa t'ajjsusini, uqhamaraquiw janchipsa jarekasini, take ucanac lurasasti campamentorojj mantjjaraquiniwa, ucampisa janiw k'omachatäquiti jayp'ucamajja.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Tito 3:5

janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.