Levítico 10:3

Aymar Bibliia 1986

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: “Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja” —sasa. Aaronasti uca arunaca ist'asajj janiw cunsa siscjjänti.

Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Job 2:10

Job chachasti saraquïnwa: —¡Warmi, jan uqhama cuna jan walinacsa parlamti! ¿Jiwasatejj Diosatjja asquinac catokstan ucapachasti janit jan walt'añanacjja Diosat catokcaracsna? —sasa. Uqhamäcasinsa Job chachajja janiw cuna juchanacsa lurcänti, janiraquiw lacapampis cuna jan walinacsa arscaraquïnti.

Salmos 119:120

Janchejjajj nayrakataman ajjsarañat qhathati, camächit arunacam laycuw chuymajj alt'ayta.

Salmos 148:14

¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan!

Salmos 39:10

Janiquiy nayarojj juc'amp t'akhesiyistati, amparaman ch'amapajj tucjasquituwa.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Salmos 93:5

Tatay, arsutanacamajj asquiwa, jan onjjtquiriwa, kollan cancañajj utamar wiñay c'achachiriwa.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 19:22

Uqhamarac sacerdotenacasa nayaru jac'achasiñataquejja k'omachasipjjañaparaquiwa, janiw nayajj jupanacaru tucjañ muncti uca laycu.

Éxodo 19:24

Ucat Tatitojj sascaquïnwa: —Saram, ucatsti sarasinjja Aaronampiw cutcatanïta. Ucampis sacerdotenacampi, israelitanacampejj janiw chimpt'atäqui ucqhatjja pasanipjjañapäquiti nayajj cawqhanctejj ucqharu maqhataniñataquejja; janiw nayajj jupanacaru tucjañ muncti —sasa.

Éxodo 30:30

“Uqhamaraquiw uca aceitempejj warjjataraquïta Aaronaru, uqhamarac wawanacaparusa loktañataqui uqhamata nayan sacerdotenacajjäpjjañapataqui.

Isaías 39:8

Ezequiasasti amuyänwa jacañapcamajja sumancañasa jan llaquisiñas utjascañapa, ucatsti Isaiasarojj sänwa: —Tatitut uca arunaca apanitamajj asquiwa —sasa.

Isaías 49:3

Saraquituwa: “Israel, jumajj nayan sirvirejjätawa, juma tokwa uñacht'ayaraquëjja nayan jach'a cancañajj-jja” sasa.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Ezequiel 20:41

Cunapachatejj nayajj uca yakha marcanacata, cawqhanacantejj ananucuta uñjasisipcta ucanacat tantachthapjjapjjäm ucqhasti, uqhamaraqui nayan k'oma cancañajjsa uñacht'ayapjjäma take marcanac nayrakatana, ucapachaw nayajj jumanacan suma k'apquiri ofrenda loktäwinacamjja catokapjjäma.

Ezequiel 28:22

Aqham saraquim: “Aqham siw Tatitojja: Nayajj juman uñisirimaw tucuracta, Sidón; juma taypinwa jach'aru aptatäyäjja. Cunapachatejj nayajj juma toke arscä, k'oma cancañajjsa uñacht'aycaraquï, ucapachaw yatisini nayan Tatitütajja.

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Ezequiel 40:46

uqhamaraqui cawquïri utatejj amsta toke uñtatäqui ucasti cawquïri sacerdotenacatejj altaran sirvipqui ucanacataquiraquiwa. Jupanacasti Sadoc sat chachan wawanacapäpjjewa, levitanacatsti jupanac sapaquiraquiw, Tatitun altarapan sirviñataqui jac'achasipjjaspajja” sasa.

Ezequiel 42:13

Ucat uca jakejj saraquitu: “Amsta tokenquir utanacasa, aynach tokenquir utanacasa, cawquïrinacatejj jist'antata uta ankäjja uñcatasincqui, ucanacasti kollana utanacawa. Tatitur jac'achasipqui uca sacerdotenacasti ucanwa cawquïri kollana ofrendanacatejj loktatäqui ucanacjja mank'apjje. Ucaruw jupanacajj kollana ofrenda loktäwinaca granonacata, juchata loktäwinaca, uqhamaraqui yatcasin jucha pantjasïwinacata ofrendanacjja uchapjjäna uca chekasti kollanaraquiwa.

Levítico 21:15

uqhamat jan wawanacapar jisc'achascañapataqui, take jakenacapa taypinjja, naya Tatituw juparojj nayataqui yakhachasiractjja uca laycu.”

Levítico 21:17

“Aaronarusti aqham saraquim: Acat ucsarusti, uqhamarac jichhajj acat kheparusa, wawanacamatjja cawquïrinacatejj cuna usutäpjjanisa, jan ucajj cuna jan walisa jupanacan janchipana utjani ucanacasti janipuniw t'ant'a lurata ofrendanacjja Diosaru loktapcaniti,

Levítico 21:21

Aaronan wawanacapatsti janipuniw cawquïritejj jan c'umaräpqui ucanacajj ofrendanac Diosaru loktapcaniti; jupanacajj janiw c'umaräpquiti, uca laycu janiraquiw Diosan ofrenda t'ant'apsa loktapcaspati.

Levítico 21:6

jan ucasti Tatitu Diosaparuwa catuyasipjjañapa, janiraquiw jupan sutipjja ñankhachapjjañapäquiti, jupanacaw take ofrendanacjja nact'ayasina uqhamarac pachpa Tatitun t'ant'apsa loktapjjejja uca laycu; uqhamasti jupanacajj Tatitutaqui yakhachatapuniw sarnakapjjañapa.

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Levítico 22:9

“Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Levítico 8:35

Uca laycu, jumanacasti pakallko uruw kheparapjjäta Tatitumpi Jiquisiñ Carpar mantañäquisa uca chekana, uruy arumawa pakallko uru phokhasiñcama ucancapjjäta. Tatitun arunacaparusti ist'apjjaraquim, ucatsti janiw jiwapcaraquïtati, ucaw Tatitun arunacapajja” sasa.

Números 16:5

ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Números 20:12

Ucampisa Tatitojj Moisesampir, Aaronampirojj sänwa: —Jumanacasti janiw nayaru ist'apquistati, ni jach'añchapcaraquistasa israelitanac nayrakatanjja, ucatwa jani mantapcätati aca jakenacampejj cawquïri oraktejj churä siscta ucarojja —sasa.

Mateo 10:37

“Qhititejj awquiparu, taycaparu nayat sipan juc'ampi munqui ucajja, janiw nayatacjamäquiti. Qhititejj yokaparu uqhamarac phuchaparu sinti munqui nayat sipanjja ucajja, janiw nayatacjamäcaraquiti.

Juan 12:28

Awquiy, sutimajj jach'añchatäpan. Ucatsti mä aruw alajjpachat ist'asïna: —Nayajj jach'añchawayjjtwa, wasitampis jach'añchascaquïwa —sasa.

Juan 14:13

Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.

Deuteronomio 32:51

Jumanac paninisti jan iyawsañaniw Israel marca nayräjjan nayataquejj tucupjjäyätajja, cunapachatejj Meriba-cades umanacana, Zin sat wasarana jicjjatasipjjäna ucqhajj janiw jumanacajj jupanac nayräjjana nayarojj jach'añchapquistati.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: “Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.

1 Samuel 3:18

Samuelosti, cuntejj Tatitojj yatiycatayna ucanacjja jan cunsa imt'asaw yatiyäna, ucat Elí sacerdotejj warartataraqui: —¡Tatitun arsutapawa! ¡Cuntejj jupajj munqui uc luraracpan! —sasa.

1 Samuel 6:20

Bet-semes chekanquir jakenacasti sapjjaraquïnwa: “¿Qhitis sayt'aspa aca Kollan Dios Tatitu nayrakatanjja? ¿Jiwasat sarjjasinsti qhiti contrarac sarani?” sasa.