Levítico 10:12

Aymar Bibliia 1986

Ucjjarusti Moisesajj Aaronampiru, Eleazarampiru, Itamarampiru, cawquïrinacatejj Aaronan pani jilt'iri yokanacapäcän ucanacaruw saraquïna: —Tatitur nact'ayata loktäwinacatjja cuna granonacat loktäwitejj jilt'qui ucanaca apsusinjjapjjam, ucatsti jan levadurani mank'apjjaraquim altar jac'ana, ucajj sinti kollanätap laycu.

Jak'a apnaqawi uñst'ayäwi

2 Crónicas 31:14

Inti jalsu tokenquir puncu uñjiri Imna chachan Coré yokap levitasti, Diosar take chuymampi churat ofrendanacata, uñjir uchataraquïnwa, uqhamarac Tatitur churatäqui ucanaca lacjañataqui, uqhamarac Diosar loktatanacäqui ucanacatsa.

Esdras 7:5

Abisúa, Finees, Eleazar, uqhamarac Aarón kallta sacerdotetaraqui.

Éxodo 29:2

Ucjjarusti luraraquim suma trigo jac'uta jan levaduran t'ant'a, uqhamarac tortanaca aceitempi chaputa, uca quipcarac tortillanacsa luraraquim jan levaduraniqui, ucampis aceitempiw uca tortillanacar jawsüta.

Éxodo 29:33

Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Éxodo 6:23

Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Ezequiel 44:29

Cuna granonactejj israelitanacajj nayaru loktapquitu ucatwa mank'apjjaraquini, cawquïr uywanactejj jucha luratanacapata, yatcasina pantjasita jucha luratanacapat loktapquitu uca uywanacan aychanacapatwa mank'apjjaraquini. Uca quipcaraqui take cuntejj israelitanacajj nayaru loktapquitani ucanacasti jupanacataquïniwa.

Levítico 10:13

Mä kollana chekan mank'apjjam, ucawa jumanacarojja, uqhamarac wawanacamarusa wact'apjjtam, cawquïri ofrendanacatejj Tatitutaqui nact'ayatäqui ucanacatjja. Ucaracwa Tatitojj nayarojj situ.

Levítico 21:22

Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Levítico 24:9

Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Levítico 7:9

Uqhamaraquiw granonacata loktäwinacatsti cawquïrinacatejj hornona jan ucajja tapa phoqhuna, jan ucajj sartenana khatiyatänejja, ucanacajj cawquïri sacerdotetejj uca ofrenda loktqui ucataquiraquïniwa.

Números 3:2

Aarón chachan wawanacapajj acanacänwa: Nadabasti jilïri wawapänwa, ucjjarusti Abiú, Eleazar, Itamar ucanaca.