Levítico 10:1

Aymar Bibliia 1986

Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.

Jak'a apnaqawi uñst'ayäwi

1 Reyes 18:38

Uca horasanwa Tatitun ninapajj sarakanïna, ucatsti nact'ayañatac loktäwirojja k'al naqhantäna, lawanacarusa, uqhamarac kalanacamppacha, lak'amppacha, uqhamarac k'awancqui uca umamppacha wañsuyäna.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Éxodo 24:1

Tatitusti Moisesarojj sänwa: —Nayajj cawqhanctejj ucqharu maqhatanipjjam, juma, Aarón, Nadab, Abiú, uqhamarac israelitanac taypitjja pakallk tunca jilïrinacampi. Ucampis cawqhancctejj ucqharojj janiw jac'achasipjjätati, jan ucasti jaya chekar purisajja ucqharuw quillt'asipjjäta.

Éxodo 24:9

Moisesajj kolluruw maqhatäna Aaronampi, Nadab, Abiú, uqhamarac Israelanquir pakallk tunca jilïri jakenacampi.

Éxodo 27:3

Uca altarataquisti yänacjja broncetcamacwa luraraquïta, khella apakañsa, palanacsa, tazonanacsa, tenedoranacsa, uqhamarac nina sanc'a naqhañsa.

Éxodo 28:1

“Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Éxodo 31:11

Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”

Éxodo 37:29

Ucjjarusti Bezaleel chachajj luraraquïnwa loktañataqui kollan aceite, uqhamarac suma k'apquir incienso, cunjämatejj suma k'apquir perfumenaca lurirejj lurqui uqhamaraqui.

Éxodo 38:3

Ucjjarojj luraraquïnwa altaran yänacapjja broncetcamaqui, khella apsuñanaca, tenazanaca, jach'a tazanaca, tenedoranaca, nina sanc'a naqhayañanaca.

Éxodo 40:27

Uca altarjjarusti suma k'apquir incienso nact'ayäna cunjämtejj Tatitojj siscäna uqhamarjama.

Éxodo 6:23

Aaronasti, Aminadab sat chachan Elisabet phuchapampiw casarasïna. Aca Aaronan warmipan jilapasti Naasón sataraquïnwa. Aaronan wawanacapasti: Nadab, Abiú, Eleazar, Itamar satanacänwa.

Éxodo 8:27

Nanacasti wasararuwa quimsür sararu sarapjjäjja, ucanwa nanacan Tatitu Diosajjarojj sacrificio loktanipjjäjja, cunjämtejj jupajj nanacar sapquitu uqhamarjama.

Jeremías 19:5

Uqhamarusa Baal diosaru wawanacapa sacrificiot loktañataquisa altaranacwa lurarasipjjaraqui, uqham lurapjjañapsti janiw nayajj jupanacarojj siscäyätti, janiraquiw uqham lurapjjañapjja amtcäyätti.

Jeremías 32:35

Ben-hinom sisqui uca vallensti Baal diosataquejj altaranacsa lurasipjjaraquiwa, Moloc diosaru imill wawanacapsa, yokall wawanacapsa sacrificiot loktañataqui, uqhamat Judá marcaru juchar puriyasa, uca ajjtascaña lurañanacsti janiw nayajj jupanacarojj ‘Lurapjjam’ siscti ni acch'as amuyojjarojj ucanacajj jutcaraquïnti.

Jeremías 44:15

Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 7:31

Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.

Levítico 16:1

Tatitusti Moisesampiw parlaraquïna, Aaronan wawanacapana jiwarjjatapa khepatjja, ucanacasti jiwarapjjaraquïnwa Tatitun nayrakatapana sinti jac'achasipjjatap laycu.

Levítico 16:12

Ucjjarusti mä incensario caturaquini, ucarusti cawquïri sanc'anacatejj altarjjan naqhasqui ucanacampiw apjjataraquini, uca altarasti Tatitun nayrakatapanquiwa, uqhamarac pä jach'i q'iyat incienso caturaquini, ucsti velo khepäjjaruw apjjaraquini,

Levítico 22:9

“Jupanacarusti saraquim nayan arunacajjaru phokhasa sarnakapjjpan, janiraqui t'akhesiñaru puripjjpati nayan arunacajja jan phokhasa, uqhamatwa jan jiwarapcaraquiniti. Naya Tatituw jupanacarojj nayataqui yakhachasiracta.

Levítico 9:24

Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Números 16:46

Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.

Números 26:61

Ucampisa Nadab chachampi, Abiú chachampejj jiwarapjjänwa Tatitun nayrakatapanjja yakha nina loktasina.

Números 4:18

“Jan jumanacajj munapjjamti Coat chachan familianacapan levitanac taypit chhakhañapjja.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Deuteronomio 17:3

yakha diosanacaru yupaychasina uqhamaraqui ucanacar quillt'asiraquini, phajjsirüpasa, intirüpasa, warawaranacarüpasa, cawquïri luräwinactejj Diosajj jan lurañas munqui ucanac lurasa.

Deuteronomio 4:2

Janiraqui cawquïri ewjjanactï churapcäma ucanacarojj jiljjatayapjjamti ni apakapjjamsa. Jaysapjjam Tatitu Diosaman camachi arunacap churapcsma ucarojja.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.