Jueces 8:3

Aymar Bibliia 1986

Diosawa jumanacarojj catuyapjjtam Oreb, Zeeb uca madianitanacan jilïrinacapa. ¿Cunsa nayajj lurta, cuntejj jumanacajj lurapcta ucampi chicachasiyañataquejja? —sasa. Ucampis Efraín sat tribunquirinacasti uqhama Gedeonan arunacapa ist'asinjja, jupa toke colerasipjjatanacapjja apjtayasjjapjjänwa.

Jak'a apnaqawi uñst'ayäwi

Salmos 115:1

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Salmos 44:3

Janiw espadapamp orak catuntasipquiti, janiraquiw ch'amapampis atipjapquiti; jan ucasti, amparamampi, ch'amamampi, khanamampiw atipjapjje, jupanacar munasitam laycu.

Proverbios 15:1

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Proverbios 16:32

Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja.

Proverbios 25:11

Mä suma arojja horasana arsutajja, kori manzanajj kollker q'iñintatäquejja uqhamawa.

Proverbios 25:15

Llamp'u chuymanïñajja coleratarojj sumaptayiwa; suma arunacasti colerat arsüwinacarojj p'aquintiwa.

Juan 4:37

Aca säwisti chekawa: “Mayniwa sati, mayniraquiwa apthapi.”

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

Romanos 12:6

Diosajj sapa mayniruw yakha casta yatiña churistu, cunjämarutejj jupajj munqui uqhamarjama, uca yatiñanacsti sum apnakañasawa. Diosatejj jupan arupat parlañataqui yatiña churchistojja, cunjämatejj iyawsañasajj utjquistu uqhamarjamawa lurañasajja.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

Jueces 8:2

Ucampis Gedeonajj saraquïnwa: —¿Janiti jumanacajj amuyasipcta cuntejj lurapcta ucajj, nayan luratajjatsa juc'ampïtapa? Jumanacana juc'aqui luratanacamajj wali asquiwa nanacana walja luratanacajjat sipansa.

Jueces 8:4

Gedeonampi, quimsa patac jakenacapampejj Jordán jawirar purisinjja maqhatawayjjapjjänwa, jupanacajj uñisirinacapar arcnakcäwejj karjatäpcchïna ucasa.