Jueces 4:6

Aymar Bibliia 1986

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: “Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jak'a apnaqawi uñst'ayäwi

Salmos 7:6

Tatay, k'apisiñampiy sartasim, timanacajjan k'apisiñaparojj jumay saycatam, chekapar uñjañatac arsurjamajj nayar arjjatirejj jutaquimaya.

Salmos 89:12

Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje.

Salmos 89:13

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Jeremías 46:18

Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Hechos 13:47

Tatitusti aqham sasaw nanacarojj sapjjetu: Marcanacan khanapataquiw jumarojj uchsma. Uqhamaraquiw juma toke take acapachanquir jakenacan khespiyasiñapataqui —sasa.

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 19:22

Uca oraken korpapasti Tabor, Sahazima, Bet-semes sat chekcamaw purïna, Jordán jawirar purisina. Takpachasti tunca sojjtan marcanacänwa, jisc'a marcanacampi cuna.

Josué 19:32

Sojjtïri orakesti Neftalí sat tribun wawanacaparuw wact'äna.

Josué 19:35

Wali jach'a perkanacampi muyuntayat marcanacapajj acanacänwa: Sidim, Zer, Hamat, Racat, Cineret,

Josué 19:37

Cedes, Edrei, En-hazor,

Josué 21:32

Neftalí tributjja quimsa marcanaca churapjjäna, uywa awatisiñ orakempi cuna; Cedes sat marca, cawquïritï Galilea oraken jicjjatasïna, ucasti jake jiwayirin imantasiñatac ajllitaraquïnwa, ucatsti Hamot-dor, uqhamarac Cartán marcanacampi.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Jueces 5:1

Qhä urusti Deborampi, Barac sata, Abinoam sat chachan yokapampisti k'ochupjjänwa aqham sasa:

Jueces 6:35

Ucampis qhitharaquïnwa yatiyirinaca jawsaniñapataqui Manasés, Aser, Zabulón, Neftalí sat tribu tamanquirinacaru jupampi mayachasipjjañapataqui.

Jueces 8:18

Ucjjarusti Gedeonajj jisct'araquïnwa Zeba, Zalmuna ucanacarojja: —¿Cunjämänsa Tabor sat chekan jiwarayapcta uca jakenacajja? sasa. Ucat jupanacasti saraquïnwa: —Jupanacasti jumjamänwa, sapa mayni jupanacajja jilïrinacjamaraqui —sasa.

1 Samuel 10:3

Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.

1 Samuel 12:11

“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.