Jueces 2:14

Aymar Bibliia 1986

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jak'a apnaqawi uñst'ayäwi

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

2 Samuel 7:11

cunapachatï jilïrinaca marcajjar apnakañapataqui utt'aycäyät ucapachasti. Nayaw take uñisirinacamatjja khespiyata uñjasiyäma. Yatiyaracsmawa jumanjja walja wawanacamaw utjani,

2 Reyes 13:3

Uca laycuw Tatitojj Israel marcataqui colerasïnjja, ucatjja walja maranacawa Siria marcanquiri Hazael reyin amparaparu catuyäna, uqhamarac Ben-adad sat yokapan amparaparusa.

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

2 Crónicas 15:5

Qhä pachanacansti janiw qhititaquis samarañajj utjcänti, jan ucasti walja t'akhesiñanacawa utjäna take marcanacanquiri jakenacataqui.

2 Crónicas 28:5

Ucatwa Tatit Diosapajj catuyäna sirianquiri reyin amparaparu, ucatsti sirio jakenacajja jupar atipjasinjja walja preso jakenacwa Damasco marcar apapjjäna. Uqhamaraquiw Tatitojj catuyaraquïna Israelanquir reyin amparaparu, juparusti mä jach'a atipjäwimpiw atipjäna.

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Nehemías 9:27

Ucatwa jumajj uñisirinacapan amparanacaparojj catuytajja jupanacar t'akhesiyapjjañapataqui. Ucatsti jupanacajj uqham t'akhesiyatäsinwa jumarojj yanapa mayipjjtamjja, ucampis jumajja jach'a qhuyapayasiñama laykojja, alajjpachatpachwa ist'tajja; ucatjja churtawa jakenaca t'akhesiyiripan amparapat khespiyapjjañapataqui.

Salmos 44:11

Qhariñ ovejanacarjamaw amparapar catuyapjjesta, Diosar jan uñt'ir marcanac taypiruw anatatapjjaraquista.

Salmos 44:12

Wali irakataruw marcamarojj aljanuctajja, aljatampisti janiw cuns jicjjatctati.

Isaías 42:24

¿Qhitis Israelarojj, Jacobon marcaparojj, atipjatäpan lunthatataraquïpan sejja? ¿Janiti Tatitu take ucanacjja lurayquejja? Jupanacasti Tatitutaquiw juchañchasipjje, janiraquiw cuna thactejj Tatitojj uñacht'ayqui ucanjam sarañ munapquiti, janiraquiw yatichäwinacaparus jaysapquiti.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 37:10

Jumanacajj caldeo jakenacarojj k'alsa atipasipcasmawa, jiwarayasipcaraquismawa, uqhamaraqui nuwasïwi chekansti mä kawkha usuchjata jakenacaquisa kheparjjapjjaspa ucasa ucanacajj sartanisinjja Jerusalén marcarojj ninampi phichcatawayasipcaquipunispawa.’ ”

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Levítico 26:37

guerratsa chhuctapcaspa uqhamaw jupanaccama liwirtapjjani, janis qhitis jupanacaru arcnakcchini ucasa; jumanacatsti janipuniw qhitis uñisirinacapa contrajj sayt'añ puedcaniti.

Números 32:13

Tatitusti israelitanacataquejj colerasïnwa, ucatsti pusi tunca maranacaw wasaran sarnakayäna, uqhamarac janiw maynisa kheparcjjänti, cawquïrinacatejj Tatiturojj jan wali luräwinacapampi ñankhachapcatayna ucanacatjja.

Números 32:14

Jichhasti jumanacajj jucha lurir awquinacan wawanacapjamajj, awquinacamjamaraquiquiw sarañ munapjjtajja, uqhamat Tatituru Israel marca contra, juc'ampi colerayañataqui.

Deuteronomio 28:20

“Tatitu Diosasti maldicionanaca, pitusiñanaca, llaquisiñanaca take luräwiman apayanipjjätam, ucatsti juc'a urunacwa takpachaniru t'unjapjjätam, jumanacan jan wali luräwinacampi jupar apanucupjjatam laycu.

Deuteronomio 28:25

uqhamaraqui uñisirinacaman tucjatäñamcama. Jumasti uñisirimarojj suma formt'ataw nuwantascäta, ucampis janiw amtascätati cunjäm jaltjjatamsa, ucatsti take acapachan jaquir jakenacataquejj ajjsarañjamaraquïyätawa.

Deuteronomio 28:58

“Jumatejj jan ist'cäta ni aca libron kellkat yatichäwinacarjamasa sarnakcaraquïta, ni ajjsartcaraquïtasa aca jach'a cancañan, ajjsarcaya Diosaman sutiparusa,

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Josué 23:16

jumanacatejj Diosampi mantatäqui uca amtäwiru jan phokhapcäta, yakha diosanacaru yupaychapjjäta, uqhamaraqui quillt'asipjjätasa ucqhajj Diosajj jumanacataquejj colerasiniwa, ucatsti janc'aquiw aca suma orake churapctam ucatjja chhaktayapjjätam.”

Jueces 1:19

Diosasti judänquirinacampi chicäscänwa, ucatwa lomanacan jaquirinacarojj atipjasin catuntasipjjäna orakenacapjja. Ucampisa uca loma cayu vallenacan jaquirinacarusti janiw atipjas alisnucuñatac ch'amanïcänti, jupanacajj hierrota lurata carronacanïpjjänwa uca laycu.

Jueces 1:34

Amorreonacasti, Dan sat tribunquirinacarojja lomanacatjja jarc'antapjjänwa, janiwa lomanac cayu vallenacarojj mantayapcänti.

Jueces 10:7

Ucatpï Diosajj colerasisinjja filisteonacampi, amonitanacampi t'akhesiyatäñarojj catuyänjja.

Jueces 2:20

Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.

Jueces 3:12

Otoniel jiwjjatatsti israelitanacajj wastatampiw Diosajj cuntejj jan munqui uca jan wali jucha lurañanaca lurjjapjjaraquiquïna, uqhamïpansti Diosajj Moab marcanquir Eglón sat reyiruw wali ch'amani tucuyäna, israelitanacat sipansa.

Jueces 4:2

Uqham uñjasinsti Diosajj cananeonacan Jabín sat reyipan ch'amaparuw catuyäna. Aca reyisti apnakänwa Hazor sat marcana. Jupan ejercitopan jilïripasti Sísara sataraquïnwa, aca jilïristi jacänwa Haroset-goim sat marcana.