Jueces 2:12

Aymar Bibliia 1986

Israelitanacasti Diosatjja armasjjapjjänwa. Cawquïr nayra awquinacapan Diosapatejj Egipto marcat jupanacaru irpsuncäna ucarojja. Jupanacasti uca jac'an jaquir jakenacan diosanacaparu yupaychañaruw catuyasipjjäna, uqhama jan walinaca lurasinwa Diosarojj colerayapjjäna.

Jak'a apnaqawi uñst'ayäwi

Salmos 106:36

diosanacaparuw yupaychapjjäna, sipitanacaparuw jalt'apjjäna;

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:16

Ucampis aqhama lurañajja amparanacamaru, uqhamarac para patanacamaruw mä unancha apapjjäta, ucatsti aca fiesta lurapcäta ucqhajja amtayapjjätamwa Tatitojj ch'amapampi Egipto marcat jumanacaru apsunitapa.’ ”

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Jeremías 16:11

Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.

Deuteronomio 13:5

Uca visionanac uñjir profetasti jiwayatäniwa jumanacaru Tatitu Diosam contra sartasina amtayatap laycu, cawquïri Diosatejj jumanacaru Egipto marcat esclavo sarnakañat khespiyanipjjtam, ucatsti Tatitu Diosaman thaquipat jithektayañ munatapata. Uqhamatwa saphitpacha jiq'inucupjjäta jumanac taypitjja take jan wali luräwinacjja.

Deuteronomio 29:18

Jan jumanac taypinjja utjcpanti ni chachasa, warmisa, ni familiasa, ni tribusa, Tatitu Diosaru apanucurejja, uca marcanacan yakha diosanacar yupaychasa. Jan jumanacat cawquïrisa mä alin c'allc'u, uqhamaraqui venenoni saphipjamäpati.

Deuteronomio 29:25

Ucatsti aqham sasaw arusjjatapjjaraquini: ‘Awquinacapan Diosapan suma arust'äwipwa p'aquintapjje, cawquïrtejj luräna cunapachatejj Egipto marcat irpsuncän ucapacha.

Deuteronomio 32:15

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Deuteronomio 33:17

Jilïri vaca kalljam muncañaraquiwa, búfalo sat wali ch'amani animaljama, take marcanacaruwa wajjrantani, aca orake tucuscama. Uqhamaw Efraín tribun walja jakenacapajja, uqhamaraquiw Manasés tribun waranka waranka jakenacapasa” sasa.

Deuteronomio 4:25

“Cunapachatejj jumanacajj wawanacanëjjapjjäta, uqhamarac allchhinacani, jumanacajj awquëjjapjjäta uca orakena, ucqhajj jumanacajj yakha diosanac lurasisa jucharu puripjjäta, cuna animalar uñtatsa, uqhamat Tatitu Diosama nayrakatana mä jach'a jucha lurasina ucata jupar colerayapjjät ucqhajj,

Deuteronomio 5:9

Janiw ucanacar quillt'asïtati ni yupaycharaquïtasa; nayätwa Diosamajja wali ch'amani, janiraquiw muncti yakhampïpjjañamsa. Awquinacan juchanacapatsti wawanacan wawanacaparuw azot'iraquëjja, qhitinacatejj uñisipquitu ucanacaru.

Deuteronomio 6:12

Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

Jueces 10:11

Ucat Diosajj saraquïnwa: “Jumanacasti t'akhesiyatäpjjayätawa egipcionacana, amorreonacana, amonitanacana, filisteonacana,

Jueces 5:8

“Takenisa yakha machak diosanac ajllisipjjäna, cunapachatejj marca puncuna nuwasiñajj utjqui ucqhajja, janiw uñjascänti mä escudosa, ni mä lanzasa pusi tunca waranka israelitanac taypinjja.

Jueces 8:33

Gedeón jiwjjatatsti israelitanacajj Diosat armt'asiwayasinsti cunayman Baal sat diosanacaru yupaychiriw cutt'awayjjapjjäna, ucampis jupanacajj diosapataquejj ajllirïpjjänwa Baal-berit sataru.