Jueces 2:10

Aymar Bibliia 1986

Uca khepatsti Josué chachampi chica jaquir israelitanacajja takeniraquiw jiwarjjapjjäna; uca khepat nacir israelitanacasti janiw Diosatjja cunsa yatiñjja muncjjapjjänti, ni Israel marcatac jach'a milagronaca luratapatsa amtascjjapjjänti.

Jak'a apnaqawi uñst'ayäwi

Génesis 15:15

Ucampisa jumajj wali chuymanëjjat ucqhaw mä suma jiwa jiwasiwayjjäta, uqhamaw jumajj nayra awquinacamampi chicachasjjaraquïta.

Génesis 25:17

Ismaelasti pataca quimsa tunca pakallkoni maranïnwa cunapachatejj jiwjjäna ucapachajja, uqhamaw nayra tiempo awquinacapampi mayachasir sarjjäna.

Génesis 25:8

ucatsti cunapachatejj sinti chuymanëjjän ucqhaw jiwawayjjaraquïna. Uqhamaw nayra tiempo awquinacapampi chicachasjjäna.

Génesis 49:33

Cunapachatejj Jacobojj aca arunac parlañ tucuyjjän ucqhajja jipt'awayjjänwa, ucat jiwjjaraquïna.

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Job 21:14

Diosarusti sapjjaraquiwa: “Jan parlapjjestati, janiw nanacajj leyinacamjja yatiñ munapcti.

Éxodo 1:6

Ucatsti Joseasa, jilanacapasa, uqhamarac take uca urunaca jacapcäna ucanacasa jiwarjjapjjänwa.

Éxodo 1:8

Ucat khepa maranacasti Egipto marcanjja yakha reyiw utt'asjjäna, jupasti janiw Josearojj uñt'cänti, ucatsti marcaparojj sänwa:

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Isaías 5:12

Jumanacan jach'a mank'äwinacamansti arpa, cítara, tambor, uqhamarac pinquillo uca musicanacaquiw utjasqui, uqhamaraqui walja vinompi machañataqui; ucampis janiw amuyapctati Tatitun luratanacapjja, janiraquiw yäkapctasa jupan luratanacapjja.

Jeremías 22:16

T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Jeremías 9:2

Walïspawa nayanjja wasaran mä cheka utjitaspa ucan samart'añajjataqui, marcajjat jayaru sarjjañataqui. Takenisa janiw cheka chuymanïpquiti, ch'ojjña lurircamaquïpjjewa.

Jeremías 9:3

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Jeremías 9:5

Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa,

Números 27:13

Take uñatatasinsti jiwjjätawa; nayra awquinacamampiw tantachasjjäta Aarón jilamjama;

Lucas 20:32

tucuyarusti warmejj jiwawayjjaraquiwa.

Hechos 13:36

Chekpachansa Davidajj jupa tiempo jakenacaru Diosan sataparjam sirvisinjja, jiwjjänwa. Ucatsti awquinacapampi chicaraquiw imt'atäjjäna, janchipasti ñusj-jjaraquïnwa.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Josué 24:31

Israel marcasti Diosarojj sirvïnwa cunapachatï Josué chachajj jacascäna ucqhacama, uqhamaraqui cunapachcamatï Israelan jilïri jakenacapajj jacapcäna ucqhacama, cawquïrinacatï yatipcäna take cuntï Diosajj Israel marcataqui lurcäna ucanaca.

1 Samuel 2:12

Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,