Jueces 2:1

Aymar Bibliia 1986

Diosan angelapasti Gilgal chekata Boquim sat chekaru sarasinjja israelitanacarojj sänwa: “Nayawa jumanacarojj Egipto marcata irpsunisajj aca orakeru irpanipjjsma, cawquïr oraketejj nayra awquinacamaru churañatac arsutacäna, aqham sasa: ‘Nayan arsutajjsti janipuniw jumanacampejj’ p'acjcäti,

Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 16:13

Cunjämatejj Agarajj Tatitumpi parlataynajja, “Uñjiri Dios” sasaw sutichäna, saraquïnwa: “Diosaw nayarojj uñjasquitu, jichhas jacascaractwa” sasa.

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

Salmos 89:3

Jumaw Davidampejj arust'äw luräyätajja, ajllit uywatamarojj arsüyätawa:

Salmos 89:34

Janiw jupamp lurat arust'äwirojj p'aquintcäti, janiraquiw arsutanacajjs mayjt'aycäti.

Éxodo 14:14

Jumanacasti jan llaquisipjjamti, Tatituwa jumanac lantejj nuwasiscani —sasa.

Éxodo 14:19

Ucampis Diosan angelapampi, kenayampejja israelitanacan nayrakatapa sarcäna ucasti jupanacan khepäjjaparuw jutjjäna.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 23:20

“Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Éxodo 33:14

Ucatsti Tatitojj sänwa: —Nayawa jumampi chica sarascäjja, uqhamarac samarañsa churaraquïmawa —sasa.

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Jeremías 14:21

¡Sutiman jach'ätap laycuquisaya, nanacatjja qhuyapt'ayasipjjeta, cawqhancquitejj suma c'ajquiri konuñamajja, uca marcarusti janiquiy jisc'achañampi uñjamti! ¡Cuna arust'äwtejj jumajj nanacampi lurcta ucjja amtasimaya, uca arust'äwsti janiquiy armaraquimti!

Levítico 26:42

Ucapachaw nayajj amtasiraquï cuna arust'äwtejj Jacobompi, Isaacampi, uqhamarac Abrahamampi lurcäyätjja ucanacata, uqhamaraquiw oraketsa amtasiraquï,

Levítico 26:44

“Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Zacarías 11:10

Ucatsti “Waliquïscaña” satäquis uca thujru catusasti p'acjaractwa, Diosajj arust'äwi lurcäna take marcanacampi ucajj ucqhar tucusjjatapa uñacht'ayañataqui.

Malaquías 3:1

Take ch'aman Diosasti siwa: “Nayaw mayni qhitä nayatac thaqui waquichañapataqui. Cawquïri Tatiturutï jumanacajj thakasipcäyäta, jupasti janc'aquiw temploparojj mantani. ¡Acajj purinjjewa cawquïri qhitatï suma arust'äwi apancani ucajja!”

Números 14:34

Jumanacasti pusi tunca urunacaw orakenac uñjasajj sarnakanipjjtajja, uqhamaraquiw jichhajj pusi tunca maranaca mutuñanacamjja phokhapjjäta, mä mara sapa uruta, uqhamatwa yatipjjaraquïta cunjämas naya contra sayt'asiñajj ucsa.”

Deuteronomio 1:8

Nayaw take uca orakenac amparamarcam catuyapjjsma, jichhasti sarapjjamay uca orakenac catuntiri, cawquïrtï naya Diosajj juramentompi arsusina churta nayra awquinacamaru; Abrahamaru, Isaacaru, Jacoboru, uqhamarac wawanacaparusa’ ” sasa.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Jueces 11:24

Quemós sat diosamajj, ¿cunanactejj churctam jumancañapataqui ucanacjja jumanquïritjjay uñt'astajj janicha? Uca quipcaraquiw nanacan Diosajjajja cunanactejj churapquitu ucanacjja nanacanquïrit uñt'asipjjaracta.

Jueces 13:2

Zora sat marcanjja, Dan tribunsti mä chachawa utjäna Manoa sat sutini. Warmipasti jan wawachasirïnwa.

Jueces 13:3

Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Jueces 2:5

Ucatwa uca chekarojj Boquim sasa sutichapjjäna, ucatsti ucanjja Diosaruw mä sacrificio loktapjjäna.

Jueces 6:8

Diosasti mä profeta qhithäna, ucatsti sänwa: “Israelan Dios Tatitupajj aqham siwa: ‘Nayawa jumanacarojj Egipto marcata irpsunipjjsma, cawqhantejj t'akhesisa sirvisina jacapcäyäta ucatjja.