Jueces 19:9

Aymar Bibliia 1986

Cunapachatejj levitajj sartjjäna sarjjañataqui, uñt'atapampi, uqhamarac uywatapampi, awcch'ipajja saraquiquïnwa: “Niya jayp'öjjewa; kheparjjapjjaquim cusisita jichha arumampi, arumarjiwa wali alwata sarjjapjjäta” sasa.

Jak'a apnaqawi uñst'ayäwi

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: “Jiwayapjjam” sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

Proverbios 27:1

Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Lucas 24:29

Jupanacasti kheparañapataquiw achict'apjjäna: —Nanacamp chica kheparam, niya jayp'uquëjjewa, niyaw arumt'jjani —sasa. Ucatwa Jesusajj jupanacamp chica kheparañataqui mantjjäna.

Jueces 19:10

Ucampis levitajja janiw uca arumampi kheparaña muncänti, jan ucasti sarawayjjänwa uñt'atapampi, uywatapampi, uqhamarac pä carunt'at asnonacapampi. Jupanacajj Jebús sat Jerusalén marcaruw jac'achapjjäna.

Jueces 19:6

Panpachaniw konthapita mank'apjjäna, uqhamarac umapjjaraquïna. Uqhamäquipansti tawakon awquipajj mayiraquïnwa mä arumampi cusisita kheparapjjañapataqui.

Jueces 19:8

Ucampis pheskëri urunsti levitajj wali alwataw sartasïna sarjjañataqui; tawakon awquipajj wastatampiw achict'araquiquïna, janïra sarcasinjja mank'asiwayapjjam uqhamata wali ch'amani sarjjapjjañamataqui sasa. Ucampis manc'cañcamajja wali uröjjänwa.

Rut 3:7

Booz chachajj mankt'asisa, uqhamarac umt'asisajja wali cusisitaw uñjasïna. Ucat cebada apthapit jac'aruw iquintjjaraquïna. Mä juc'a horasarojj Rut warmejj c'achat jac'achasisinjja cayunacapat janaräna, ucat uca chekaru ict'äna.