Jueces 19:1

Aymar Bibliia 1986

Israel marcana jan reyejj utjcäna uca urunacasti mä levitawa Efraín sat kollunacat jayana jacäna, jupajj Belenanquir Judá sat marcanquir mä warmimpiw uñtasjjäna.

Jak'a apnaqawi uñst'ayäwi

Génesis 22:24

Uqhamarus Nacorajj Reúma sat uñt'atapampejj wawanacaniraquïnwa. Ucanacasti Teba, Gaham, Tahas, uqhamarac Maaca ucanacänwa.

Génesis 25:6

Khepa warminacapan wawanacaparusti Abrahamajj regalonacacwa churäna, jaccasinsti uca wawanacjja Isaac wawapatjja yakhacharaquïnwa, inti jalsu tokenacar qhitasa.

Génesis 35:19

Uqhamaw Raquelajj jiwjjäna, Efrata sisqui uca thaquiruw imjjapjjäna, ucasti jichhajj Belenäjjewa.

2 Samuel 16:22

Uqhamasti Absalonataquejj azotea pataruw mä carpa carpt'arapipjjäna, ucanwa Absalonajj awquipan warminacapampi iquintasiraquïna; take israelita jakenacan uñjcaña

2 Samuel 19:5

Joab chachasti palacioruw sarawayäna, ucatsti saraquïnwa reyirojja: “Juma, jach'a reyejj, nanaca sirvirimarojj p'enkachapjjestawa, uca sirvirinacamasti juma jach'a reyina, uqhamaraqui wawanacaman jacañapwa khespiyapjjejja, uqhamaraqui phuchanacamarusa, warminacaparusa.

2 Samuel 20:3

Cunapachatejj Davidajj palacioparu, Jerusalén marcat cuttanjjän ucapachasti, cawquïri tunca uñt'atanacaparutejj palacio uñjapjjañapataqui jaytawaycataynasa ucanacwa irptasjjäna, ucatsti mä utaruw irpantayjjaraquïna, wali suma guardiataraqui. Ucanwa jupanacarojj uñjayascäna, ucampisa janiraquiw maynirusa warmiscänti. Uqhamaw jupanacajj ucan jacapjjäna, jist'antata, ijma warminacjamaraquiw jacapjjäna jiwaña urunacapcama.

2 Samuel 3:7

Saúl reyisti mä warmimpiw sarnakaraquïna, ucasti Rizpa satänwa, Aja jaken phuchapa, Abnerasti uca warmimpiw sarnakjjaraquitayna. Ucatwa Is-boset chachajj Abnerarojj saraquïna: —¿Cunatsa awquejjan uñt'atapampi iquintta? —sasa.

2 Samuel 5:13

Hebrón chekata Jerusalenaru sarjjatatsti, Davidajj ucanjja juc'ampi warminaca catusiraquïna, uqhamaraqui uñt'atanacsa, ucanacasti Davidataquejj juc'ampi yokanaca, phuchanaca wawacharapipjjaraquïna.

1 Reyes 11:3

Jupasti pakallk pataca warminïnwa reinacamaqui, uqhamarac quimsa pataca uñt'atanacaniraquïnwa, jupanacawa chuymapjja mayjt'ayapjjäna.

1 Reyes 4:8

Uca tunca payani apnakerinacasti acanacänwa: Ben-Hur, jupasti Efraín kollunacatänwa;

2 Crónicas 11:21

Roboamajja tunca quimsakallkoni warminacanïnwa, uqhamarac sojjta tunca uñt'atanacaniraqui, ucampis take warminacapat sipansa Maaca warmiparuw sinti munasïna. Jupasti pä tunca quimsakallkon yokanacanïnwa, uqhamarac sojjta tunca phuchanacani.

Ester (hebreo) 2:14

Ucatsti jupajj reyin palacioparojj arumaw saräna, ucat khepüru arumarjisti warminacan palacioparuraquiw pasjjaraquïna. Ucasti uñjatänwa Saasgaz sat reyin eunuco sat jakepana; ajllit uñt'atanacapar uñjiriraqui. Ucat kheparusti janiw uñstcjjänti reyin ucarojja. Ucampis jupataquitejj jiwaquïchïnjja ucapachajja wastatampiw jawsayatänjja.

Daniel (hebreo) 5:3

Uca kori copanacasa, kori jarronacasa aptanitänwa, ucatsti reyisa, warminacapasa, uñt'atanacapasa, take jawsayatanacapasa uca copanacatwa vinjja umapjjäna.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Mateo 2:6

Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja —sasa.

Josué 24:30

Ucatsti imantjjapjjänwa Timnat-sera marcapan orakeparu, cawquïritï jicjjatasqui Efraín oraken kollunacapana, Gaas sat kollunac amsta tokeru.

Josué 24:33

Cunapachatï Eleazar sat Aarón chachan wawapajj jiwjjän ucqhajj, imantjjapjjänwa Finees sat wawapan jisc'a kolluparu, cawquïritï Efraín sat kollunacan churatäcän ucaru.

Jueces 12:8

Jefté chacha khepatsti Israel marca apnakeristi Ibzán chachänwa, jupasti Belén marcanquirïnwa.

Jueces 17:1

Efraín satan kollunacapansti mä jakew jacäna Micaía sat sutini.

Jueces 17:6

Uca urunacansti Israel marcanjja janiw reyejj utjcänti, uca laycusti sapa maynisa munañapaqui lurasipjjäna.

Jueces 17:7

Belén marcanjja jayanquir mä waynaw utjäna Judá sat tributa. Jupasti Leví familiatänwa.

Jueces 17:8

Aca waynajja Belén marcata mistuniwayasajja yakha cheka jacañataqui thakeriw saräna. Ucampisa Efraín satanquir kollunacnäma sarasinsti Micaía sat jaken utaparuw purïna.

Jueces 18:1

Uca urunacasti Israel marcanjja janiw reyejja utjcänti. Uqhamaraqui Dan sat tribunquirinacasti janiraquiw orakenïpcaraquïnsa, uca laycusti jupanacajj orake thakhasisaw sarnakasipcäna utjasiñataqui.

Jueces 18:13

Ucqhatsti Efraín sat kollunacaruw sarapjjäna; puripjjaraquïnwa Micaian utaparu.

Jueces 19:16

Arumarojja, mä awquiwa yapu luräwipat cutt'anisa uca cheka pasawayäna. Aca awquisti Efraín satäquis uca kollunacanquirïnwa, ucampis jupajj jaya jacjamaw jacäna. Gabaa sat marcan jaquirinacasti Benjamín tribunquirinacäpjjänwa.

Jueces 19:2

Uca uñt'atapasti jupampi tokesiwayasinjja Belenanquir awquipan ucaruw jaquir sarjjäna. Pusi phajjsi ucan jacjjasinsti,

Jueces 21:25

Uca urunacansti Israel marcanjja janiw reyejja utjcänti, uqhamïpansti sapa maynisa munañapacwa lurasipjjäna.

Jueces 3:27

Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.