Jueces 1:3

Aymar Bibliia 1986

Ucampis Judá tribunquirinacasti jilanacaparuw yatiyapjjäna Simeón sat tribunquirinacaru, uqhamata mayacht'asisina Judá triburu wact'qui uca orake catuntasiñataqui. Uca khepatsti Simeón triburu wact'qui uca orake catuntasiñataquiraqui mayacht'asisa. Uqham yatisinsti Simeón sat tribunquirinacajj iyawsapjjänwa Judá tribunquirinacampi mayacht'asiña.

Jak'a apnaqawi uñst'ayäwi

Génesis 29:33

Ucatsti Leajj yakha wawampi wawachasiraquiquïnwa, ucarusti Simeón sasaw suticharaquïna, saraquïnwa: “Tatitojj ist'änwa jisc'achapquitu ucjja, ucatwa jichhajj mä wawampi churitu” sasa.

2 Samuel 10:11

saraquïnwa: “Sirio jakenacatejj nanacar atipjirjamäni ucapachajj mäquiw yanapt'iri jutapjjäta; amonita jakenacatejj jumanacat sipana juc'ampi ch'amanïni ucat atipjañ munapjjaraquïtam ucapachasti nanacaw jumar yanapt'irejj jutapjjaraquïma.

Josué 19:1

Ucatsti payïri orakejj Simeón tribun wawanacaparuw wact'äna. Uca orakesti Judá tribun orakepa taypincänwa.

Apocalipsis 7:7

Simeón tributsti tunca payani waranka, Leví tributsti tunca payani waranka, Isacar tributsti tunca payani waranka,

Jueces 1:17

Judá sat tribunquirinacasti, Simeón sat tribunquirinacampiw sarapjjäna, cunjämtejj amtasipcäna uqhamarjama. Ucatsti jupanacajj nuwasipjjänwa Sefat sat chekan jaquir cananeonacampi, uca marcsti tokjapjjänwa Diosar loktatäcaspas uqhama, ucatwa suti chapjjäna uca chekaru Horma sasa.

Jueces 1:2

Ucatsti Diosajja jupanacarojj sänwa: “Judá tribuwa nayrakata nuwasirejj mistsuñapa, jupanacaruw nayajj uca orake churta” sasa.

Jueces 1:4

Uqhamaw judänquirinacajj atipjasinjja cananeonacana, ferezeonacana orakenacapa catuntasipjjäna, ucampis jupanacarojja Diosawa yanapasina uqhama atipjayäna. Bezec sat orakensti tunca waranka jakenacaruw atipjapjjäna.