Jueces 1:19

Aymar Bibliia 1986

Diosasti judänquirinacampi chicäscänwa, ucatwa lomanacan jaquirinacarojj atipjasin catuntasipjjäna orakenacapjja. Ucampisa uca loma cayu vallenacan jaquirinacarusti janiw atipjas alisnucuñatac ch'amanïcänti, jupanacajj hierrota lurata carronacanïpjjänwa uca laycu.

Jak'a apnaqawi uñst'ayäwi

Génesis 39:2

Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

Génesis 39:21

Tatitojj Joseampïscaquïnwa, munasiñapsa uñacht'ayaraquïnwa, cárcel uñjirimpis Joseajj wali sumancänwa,

2 Samuel 5:10

Davidan munañanïñapasti juc'ampiraquiw saratatäna, yapjjattaraquïna, take ch'amani Dios Tatitusti jupampiraquïnwa.

2 Reyes 18:7

Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Salmos 60:12

Diosan yanapapampejj muspharcañanac lurañäni. ¡Jupaw timanacasarojj takjjatani!

Eclesiastés 9:11

Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Isaías 8:10

Amtäwinac lurapjjam, uca amtäwinacasti tucjatäniwa; cuntejj munapjjta uc sapjjam, ucampis ucajj janiw phokhascaniti, Diosajj jiwasampïtap laycu.”

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Filipenses 4:13

Criston ch'amapampejj take cunaruw saycatirista.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 14:12

Ucatwa jichhajj maysma jumaru uca kollu nayar churañamataqui, cunjämtï Diosajj nayaru arupampi arsuwayquitäna uqhamarjama. Jumasti yatiractaw anaquita jach'a jakenaca uca urunacatpacha uca ckekanacan jacapjjatapa, uqhamaraqui marcanacapas wali suma chekan luratätapa, ucampis nayajj Diosaruquiw mayï yanapt'añapataqui uca jakenacar ucawjanacata jakonucuñajjataqui, cunjämtï jupajj sisqui uqhama” sasa.

Josué 6:27

Uqhamaw Diosajj Josué chacharojj yanapäna, uqhamarac sutipasa take jakena aytataraquïnwa.

Josué 7:12

Ucatpï israelitanacajj jan uñisirinacapampejj nuwasiñ puedcanitejja, jupanacajj jaltapjjaniwa, nayasti maldicipjjämawa janitï jumanac taypit uca juchan jakeru jiwayapcät ucajja.

Jueces 1:2

Ucatsti Diosajja jupanacarojj sänwa: “Judá tribuwa nayrakata nuwasirejj mistsuñapa, jupanacaruw nayajj uca orake churta” sasa.

Jueces 4:13

tantacht'änwa llätunca pataca fierrot lurat carronacapa, uqhamarac take soldadonacapa, ucatsti sarantapjjänwa Haroset-goim sat chekata Cisón sat jawir thiyacama.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.

1 Samuel 18:12

Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti.

1 Samuel 18:14

Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.