Juan 9:31

Aymar Bibliia 1986

Yattanwa Diosajj janiw qhiti jucharararus ist'quiti, jan ucasti qhitinacatejj juparu yupaychapjje, uqhamarac munañap lurapqui ucanacaruquiwa Diosajj ist'i.

Jak'a apnaqawi uñst'ayäwi

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Job 35:12

Wararisipquiwa, ucampisa Diosajj janiw jupanacar ist'quiti, jupanacajj khoru uqhamaraqui jach'a jach'a tucuri jakenacäpjjatap laycu.

Job 35:13

Take ch'amani Diosajj janiw c'ari arunacarojj ist'quiti.

Job 42:8

Jichhajj pakallko orko vacanacampi, pakallko orko ovejanacampi catupjjam, ucatsti Job sirvirejjaru uñjiri sarapjjam, ucatsti jumanacajj mä nact'ata sacrificio loktapjjaraquim pachpa jumanacataqui. Job sirvirejjaw jumanacataqui mayiraquini, nayasti jupan mayitapjja ist'araquïwa, jumanacarusti janiw ucatjja cuna ñankhanacsa lurapcaraquïmati, jumanacarojj mutuyañas waquiscchi ucasa, nayjjat jan chekaparu khanañchapjjatamata, cunjämatejj Job sirvirejjajj khanañchänjja uqhama.”

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Salmos 143:10

Munañam lurañ yatichita, nayan Diosajjätam laycu. Munasir ajayumajj cheka thaquinjamay irpitpan.

Salmos 145:19

Jupar arquirinacan munataparjamaw phokhe, arnakasitanacap ist'i, khespiyaraqui.

Salmos 18:41

Jupanacajj yanap mayisipjjäna, jupanacarusti janiw qhitis yanapcänti, Tatituruw art'asipjjäna jupasti janiw ist'cänti.

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Proverbios 15:29

Tatitojj ñankha lurir jakenacatjja jithektiwa, ucampis asqui jakenacan mayisitanacapjja ist'iwa.

Proverbios 21:13

Qhititejj pobrenacan yanap mayitapar jan ist'cani ucarojja, janiraquiw ist'atäcaniti cunapachatï jupajj yanapa maycani ucqhajja.

Proverbios 28:9

Qhititejj Diosan leyiparu jan ist'añ muncani ucarojja, Diosajj janiw mayisitapjja ist'caraquiniti.

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Isaías 58:9

Ucapachajj jawsität ucqhajj nayajj ist'ämawa, yanapa mayisisatejj arnakasïtajja, nayasti: ‘Acancasctwa’ saraquïmawa. Take t'akhesiyañanac tucusiyjjätajja, mayninacarus janiraqui jisc'achcätajja, janiraqui cuna c'ari arunacsa aptätajja,

Jeremías 11:11

Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Ezequiel 8:18

Ucampisa nayajj wali jach'a colerasiñampiw jichhajj lurjjäjja. Janipuniw jupanacatjja qhuyapayascäti. Kawkhas arnakasisinipcpan, janipuniw jupanacarojj ist'cäti” sasa.

Miqueas 3:4

Mä uruw jumanacajj Tatiturojj arnakasipjjätajja, ucampis jupajj janiw jumanacarojj ist'apcätamti. Qhaya urunacansti jumanacatjja imantasjjaniwa, ñankhanaca lurapjjatanacam laycu.

Zacarías 7:13

saraquiwa: “Cunjämtï jupanacajj jan ist'aña munapquitu cunapachatï nayajj jawscta ucqhajja, uqhamaracwa nayajj jan ist'cäti cunapachatejj jupanacajj art'asipjjetani ucqhajja.

Juan 11:22

Ucampis nayajj yattwa cuntejj Diosaru maycäta ucjja churätamwa —sasa.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 4:34

Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Juan 9:30

Uca jakesti ucjjarojj saraquïnwa: —¡Acajj muspharcañawa! Jumanacajj janiw yatipctati cawquit jutatapsa, ucampis nayarojj uñjayituwa.

Juan 9:32

Janiw cunapachas aqham ni qhititsa ist'asirïquiti: “Nacïwipatpach juyqhu jakeruw kollatayna” siri.

Deuteronomio 1:45

Cunapachatï jumanacajj cuttanjjapjjäyäta ucqhajj Dios nayrakatanwa jachapjjaracta, ucampis jupajj janiw ist'apcäyätamti jachatanacamarojja.

Hebreos 10:7

Ucatwa sista: ‘Dios, nayawa juman munañama phokher jutta cunjämatejj nayjjat libron kellkatäqui uqhamarjama’ ” sasa.