Juan 9:29

Aymar Bibliia 1986

Nanacajj yatipjjtwa Diosajj Moisesaru parlatapa, ucampis uca jaketjja janiw cawquit jutatapsa yatipcti —sasa.

Jak'a apnaqawi uñst'ayäwi

1 Reyes 22:27

Sapjjätawa: “Reyejj aqham siwa: ‘Carcelaru uchantapjjam, ucatsti juc'acwa t'ant'sa, umsa churapjjäta, nayan cutt'aniñajjcama sumaqui jan camacht'ata’ ” sasa.

2 Reyes 9:11

Ucatsti cunapachatï Jehú capitanajj reyin oficialanacapan ucar saräna ucqhasti, jupanacajj jisct'apjjänwa: —¿Cunas pasi? ¿Cunataquis uca lokhe jakejj jumamp jiquisiri jutejja? —sasa. Ucjjarusti Jehú capitanajj sänwa: —Jumanacajj juparojj uñt'apjjtawa, uqhamarac cunjäm parlirïtapsa yatipjjaractawa —sasa.

Salmos 103:7

Moisesaruw thaquip yatichäna, Israelan wawanacaparusti muspharcañ luräwinacap uñachayäna.

Salmos 105:26

Diosasti Moisés uywataparuw qhitäna, Aarón ajllit loktiriparuw qhitaraquïna,

Salmos 106:16

Moisesarojj chhujllanac taypin uñisipjjäna, Tatitur catuyat Aarón chacharus uñisipjjaraquïnwa.

Salmos 22:6

Nayasti janiw jakëcti, lak'oquïtwa, jaken p'enkachañaquïtwa, jakenacan jisc'achañaquïtwa;

Malaquías 4:4

“Jumanacajj amtasipjjamaya cawquïri leyinactï Moisés uywatajjaru Horeb sat kolluna churcta ucanacata. ¡Ucanacasti ewjja arunacänwa, camachi arunacaraquïnwa take Israel marcan phokhañapataqui!

Números 16:28

Moisesasti parlascaquïnwa aqham sasa: —Acampiw yant'apjjäma: Tatituw nayar qhitanitu take acanac lurañataqui, janiw nayan munañajjaru lurcti.

Mateo 12:24

Uca fariseonacajj jakenacar uqham parlir ist'apjjatapatsti jupanacajj sapjjänwa: “Aca jakejj ñankha ajayunacacwa alissusqui, Beelzebú sat supayanacan jilïripan ch'amapampi” sasa.

Mateo 26:61

Jupanacasti sapjjaraquïnwa: —Aca jakejj siwa: “Nayajj t'unjiristwa Diosan templopjja, ucatsti quimsürut sayt'ayaraquirista” —sasa.

Lucas 23:2

Ucanwa juchañchañ kalltapjjäna aqham sasa: —Aca jakerojj jakenacasar pejjtusquirwa jicjjatapjjta: “Impuestjja janiw romano emperadorarojj pagañasäquiti” siwa, uqhamaraquiw “Cristöt” saraquiwa, mä arunsti ucajj “rey” sañ muni.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Juan 7:27

Jiwasanacajj yattanwa acajj cawquittejj jutqui ucjja, ucampis Cristojj jutcani ucjj janiw qhitis cawcsat jutatapas yatcaniti —sasa.

Juan 7:28

Ucanac ist'asajj Jesusajj templon yatichcasinjja, jach'atwa arsüna: —¡Uqhamajj uñt'apjjestawa, yatipjjaractawa cawquit jutatajjsa! Ucampis janiw nayan munañajjat jutcti, jan ucasti nayajj juttwa chekpachansa maynin qhitanita, ucarusti jumanacajj janiw uñt'apctati.

Juan 8:14

Ucjjarojj Jesusajj saraquïnwa: —Cuntejj arsctjja ucajj wali asquiwa, naya pachpatsay parlascä, arsutajjajj chekawa. Nayajj yattwa cawquit jutatajjsa, cawquïrutï sarcä ucsa; ucampis jumanacajj janiw yatipctati cawquit jutatajjsa ni cawquïrutï sarcä ucsa.

Juan 9:16

Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.

Juan 9:24

Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Juan 9:30

Uca jakesti ucjjarojj saraquïnwa: —¡Acajj muspharcañawa! Jumanacajj janiw yatipctati cawquit jutatapsa, ucampis nayarojj uñjayituwa.

Hechos 22:22

Aca horascamasti jakenacajj amuquiw Pablorojj isch'uquipjjäna. Ucatsti wali jach'at arnakañ kalltapjje: —¡Jiwpan aca jakejja. Janiw jacañapajj waquiscjjeti! —sasa.

Hechos 26:22

Ucampis Diosan yanapapampejj jichhacamaw juparojj jan pächasisa arcascta. Diosan arunacap takenir yatiyasa, jisc'arus jach'arusa. Janiw cunapachas yakha arunacjja parlcti, cuntejj profetanacajj uqhamarac Moisesas arsupcäna, uqhamarac cunatï khepa urunacan phokhasiñapäcäna ucanacatjja:

Hechos 7:35

Egiptonquir israelitanacajj Moisesarojj jan yäkapcchïnsa: “¿Qhitis jumarojj jilïritsa juesatsa nanacjjaru uchtam?” sapcchïnsa, Diosajj juparuw qhiti, mä jilïrita uqhamarac khespiyirita. Ucatwa Diosajj angelap qhitanïna, mä nina akquir jisc'a kokan jupar uñstasa.

Deuteronomio 34:10

Ucat sipansa janiw mayampis uca Israel marcanjja Moisés profetjamajj utjcjjänti, cawquïrimpitejj Tatitu Diosajj parlascäna ajanuy ajanu uqhamajja.

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

Hebreos 1:2

Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.