Juan 8:21

Aymar Bibliia 1986

Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Jak'a apnaqawi uñst'ayäwi

1 Reyes 18:10

Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

Job 20:11

Ch'amani waynpachracwa jiwatapatsa amay imäwiru sarakani.

Proverbios 11:7

Cunapachatï jucharar jakejj jiwjje ucqhajja, tucusjjewa amtäwinacapasa, suyt'äwinacapasa.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Isaías 65:20

Ucanjja wawanacas janiraquiw jisc'pacha jiwarapcaniti, janiraquiw chuymani jakenacas janïra maranacap phokcasajj jiwapcaniti. Patac marani jiwañasti waynpacha jiwañäniwa, uca patac marar jan purjjañasti mä maldicionaraquïniwa.

Mateo 23:39

Ucampis sapjjsmawa, janiw mayampis uñjapquitätati, cunapachatejj: ‘¡Bendicitäpan Tatitun sutiparu jutirejja!’ sapcäta ucürcama.”

Mateo 25:41

Ch'ekäjjapancquis ucanacarojj saraquiniwa: “Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.

Juan 12:33

Acampejj cunjämtejj jiwcani uc sañwa munäna.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 13:33

Munat wawanacajja, mä juc'a urunacampiquiw jumanacampïyajja. Jumanacajj nayarojj thakapjjetätawa, ucampis cunjämtejj judionacaru sisctjja uqhamaracwa sapjjsma jichhajja: “Janiw jumanacajj sarapcasmati cawquïrutejj nayajj sarcä ucarojja.”

Juan 7:34

Jumanacajj thakapjjetätawa ucampis janiw jicjjatapquitätati, cawquinccätejj ucarojj janiw jumanacajj sarapcasmati.

Juan 7:36

¿Cun sañs muni aqham satapampejja: “Thakapjjetätawa ucampis janiw jicjjatapquitätati,” sasajja?

Juan 8:24

Ucatpï sapjjsmajja: “Juchanacaman jiwarapjjäta” sasajja. Jumanacatejj jan iyawsapquitäta nayajj qhitïcti ucjja, juchanacamanwa jiwarapjjäta —sasa.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.