Juan 8:14

Aymar Bibliia 1986

Ucjjarojj Jesusajj saraquïnwa: —Cuntejj arsctjja ucajj wali asquiwa, naya pachpatsay parlascä, arsutajjajj chekawa. Nayajj yattwa cawquit jutatajjsa, cawquïrutï sarcä ucsa; ucampis jumanacajj janiw yatipctati cawquit jutatajjsa ni cawquïrutï sarcä ucsa.

Jak'a apnaqawi uñst'ayäwi

Proverbios 8:7

Cuntï sapcäma ucajja chekawa, janiw nayatac sumäquiti c'ari arunaca parlañajja.

Números 12:3

Moisesajj chekpachansa llamp'u chuymani jakënwa acapachanjja.

Juan 10:15

Cunjämtejj Awquejjajj nayaru uñt'quitojja, uca pachparaquiw nayajj Awquirojj uñt'aracta; jacañajjsti ovejanacajj laycuw apt'asiracta.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: “Diosjjat parli” sapjjta, “Diosan Yokapätwa” satajjatacti?

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 14:10

¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 17:8

Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 5:31

Nayatejj nayat testigt'asiristjja, arsutajjajj janiw catokatäcaspati.

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

2 Corintios 11:31

Jesucristo Tatitusan Dios Awquipajja, qhititï wiñayataqui yupaychatäñapäqui ucajj yatisquiwa chekpuni sascatajj-jja.

2 Corintios 12:11

Mä lokher uñtatjamaw parltjja nayapachat jach'achasisajja, ucampis jumanacaw uqham parlayapjjestajja. Jumanacaw nayarojj jach'acht'apjjañamänjja. Nayasti janiw uca jach'a apostolonacatjj menosäcti, janis cuna jan yäkatjamäctsa ucasa.

2 Corintios 12:19

Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 3:14

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja: