Juan 7:35

Aymar Bibliia 1986

Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Jak'a apnaqawi uñst'ayäwi

Salmos 147:2

Tatituw Jerusalenarojj wasitat sayt'ayi, Israel marcat ananucutanacarusti tantachthapiraqui.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 49:6

“Janiw Jacobon marcanacap sayt'ayañataquic sirvirejjäctati. ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 56:8

“Nayaw cuttayanjjä tantachthapjjaraquï, qhitinacatejj jayan apanucutäpcän ucanacarojja.” Ucwa Tatitojj arsu, qhititejj willitatatäpcän uca israelitanacaru mayjaru tantachthapqui ucajja.

Sofonías 3:10

Etiopía jawir tokenacatjja, ch'eketatat marcajjajj achict'asisaw jutapjjani ofrendanac nayaru apanisa.

Mateo 12:21

Takpacha marcanacaraquiw juparojj iyawsas suyt'apjjani.”

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Juan 12:20

Jerusalenaru fiesta urunacajj yupaychir sarapcatayna; uca jakenacatjja maynïrinacajj griegonacänwa.

Juan 7:1

Uca pasatatsti, Jesusajj Galilea tokenacanwa sarnakascäna, janiw Judeancañ muncänti ucanjj judionacajj jiwayañ munapjjatap laycu.

Juan 8:22

Ucjjarusti judionacajj sapjjaraquïnwa: —¿Jiwayaspachäniti ucatti sispacha: “Cawquïrutejj sarcä ucarojj jumanacajj janiw jutapcasmati,” sasajja?

Hechos 11:18

Ucanac ist'asinsti Jerusalenanquir jilatanacajj amuct'apjjewa. Diosarusti aqham sasaw yupaychapjjaraquïna: —Uqhamajj jan judiöpquis uca jakenacarojj Diosajj arrepientisiñjj churaraquiwa wiñay jacañanïpjjañapataqui —sasa.

Hechos 11:20

Chiprenquir, uqhamarac Cirenenquir mä kawkha iyawsirinacaw Antioquiar purisina, jan judionacäpquis ucanacar parlapjjaraquïna, Tatit Jesusanaqui khespiyasiñajj utjatapata.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 17:4

Uca arunac ist'asinsti, yakhep judionacajj iyawsapjjänwa. Ucatwa Pablompir Silasampir jakcattapjje. Diosar yupaychir griego jakenacasti waljaniraquiw iyawsapjjäna, uqhamarac wali aytat warminacatsa.

Hechos 18:4

Sapa samarañ uruw Pablojj sinagogar parlir saräna. Ucansti judionacarus jan judionacarus iyawsayañcamaw parläna.

Hechos 21:21

Jumatsti sapjjtamwa: “Moisesan leyinacapar jan ist'as lurañwa jakenacarojj yatichi” sasa. Sapjjaractamwa: “Yakha marcanacan utjasir judionacarus wawanacapar jan circuncidatäñwa yatichi, uqhamarac jan saräwisanacasar phokhañaraqui” sasa.

Hechos 22:21

Ucampis Tatitojj situwa: “Saram, nayajj jumarojj wali jayaruw qhitäma, jan judiöpquis ucanacaru” sasa.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.

1 Pedro 1:1

Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.