Juan 7:32

Aymar Bibliia 1986

Fariseonacajj ist'apjjänwa cuntejj jakenacajj Jesusjjat parlapcäna uca. Ucatsti jupanacajj sacerdotenacan jilïrinacapamp cunaw templo uñjirinac qhitapjjäna Jesusar preso catunipjjañapataqui.

Jak'a apnaqawi uñst'ayäwi

Mateo 12:14

Fariseonacasti ucat mistusinjja sarjjapjjänwa, ucatsti Jesusaru jiwayañataquiraquiw amtapjjäna.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 26:58

Pedrosti jayatacwa Jesusarojj arcascäna, uca jilïrin uta ankäjjapar puriñcama. Mantasinsti Pedrojj soldadonacampi chicaraquiw kont'atäscäna, cunjämarutejj ucajj tucuscani uc yatiñataqui.

Juan 11:46

Ucampis judionacat mayninacajj fariseonacan ucaruw saräna cuntejj Jesusajj lurcatayna uc yatiyiri.

Juan 12:19

Ucatsti fariseonacajj jupanac puraw sapjjäna: —Jumanacajj uñj-jjapjjtawa, janiw cuns lurañjamäcjjeti. Takeniraquiw jupar arcjjapjje —sasa.

Juan 18:3

Uqhamaw Judasajj mä tama soldadonac ant'ataw ucawjaru purini, uqhamarac fariseonacampi sacerdotenacan jilïrinacapampejj templot mä kawkha uñjirinaca qhitancatayna ucanacamp chica. Jupanacajj wali armataw jutapjjäna lamparanaca, nina wiyanacas apt'ata.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Hechos 5:26

Uc ist'asinsti, guardian jilïripajja soldadonacampiw sarapjje apostolonac irptaniñataqui. Jan cun camacht'asaw sumatac irpanipjjäna, marcanquir jakenacamp jan kalampi c'upjayasiñataqui.

1 Samuel 19:20

jakenacapwa qhitäna juparu catuntañataqui. Purisinsti, Saúl reyin qhitata jakenacapajj mä tama profetanacaruw profecía arunaca arsusipquiri uñjapjjäna, ucanacasti Samuelon irpataraquïnwa. Acatjamata janc'aquiw Diosan ajayupajj uca Saúl reyin qhitata jakenacaparu catuntäna. Jupanacasti profetanacjamaraquiw parlapjjäna.