Juan 6:70

Aymar Bibliia 1986

Jesusasti ucjjarojj saraquïnwa: —¿Janit jumanaca tunca payaniru ajllipcsma? Ucampis jumanacat maynïriwa supayajja —sasa.

Jak'a apnaqawi uñst'ayäwi

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: “Cawquïritejj nayamp chica mank'qui ucajja nayataquiw sayt'i” sasa.

Juan 13:2

Mank'asipquipansti Supayajj niyawa Simonan yokapa Judas Iscarioten chuymaparojj uchatayna Jesusar aljantañ amtäwjja.

Juan 13:21

Uc arsusinjja Jesusajj chuymapanjj wali llact'atawa uñjasïna, ucatsti khanacwa arsuraquïna aqham sasa: —Khanacwa sapjjsma, jumanacat maynïriw aljantitani —sasa.

Juan 13:27

Judasan uca t'ant'a catokatapatsti, Supayajj mäquiw chuymapar mantäna. Ucat Jesusajj saraquïna: —Cuntejj lurañamäqui ucjja, janc'ac luram —sasa.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 15:19

Jumanacatejj acapachanquirïpjjasmajja, acapachanquir jakenacajj munasipjjeristamwa jupanacanquirirjama. Ucampis nayaw jumanacar ajllisipjjsma acapacha taypita, ucatwa acapachajj uñisipjjtam, jan acapachanquirëjjapjjatam laycu.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Juan 2:2

Jesusasti discipulonacapamp cuna uca casarasïwiru jawsayataraquïnwa.

Juan 20:24

Tomasejj tunca payani discipulonacatjj maynïrïnwa, juparusti Mellizo sapjjänwa. Jesusajj jutcäna ucapachajj janiw jupajj ucanccänti.

Juan 6:64

Ucampis jumanac taypitjja janïraw iyawsapctati —sasa. Jesusajj yatïnwa kalltatpacha qhitinacas jupar jan iyawsapqui ucjja, yatiraquïnwa qhititï jupar aljantcani ucsa.

Juan 6:67

Uc uñjasinsti Jesusajj tunca payani discipulonacaparuw jisct'äna. —¿Jumanacajj sarjjañ munapjjaractati? —sasa.

Juan 6:71

Uc sasinsti Jesusajj Simonan yokapa Judas Iscariotetwa parläna; Judasasti aljantañapänwa, tunca payanit maynïrïcchïn ucasa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Hechos 1:17

Uca Judasasti jiwasanacat maynïriraquïnwa. Jupasti jiwasanac chicaraquiw Diosatac irnakäna.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

Tito 2:3

Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.