Juan 6:53

Aymar Bibliia 1986

Jesusasti jupanacarojj sänwa: —Khanacwa sapjjsma, jumanacatejj jan Jaken Yokapan janchipat mank'apcätajja, janirac wilapsa umapcäta ucajja janiw jacañanïpcätati.

Jak'a apnaqawi uñst'ayäwi

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Lucas 13:3

Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta.

Lucas 13:5

Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta —sasa.

Juan 13:8

Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.

Juan 15:4

Jumanacajj nayampi mayaquïpjjam, cunjämatejj nayajj jumanacampi mayaquïtjja uqhama. Mä laymi sapajj janiw achcaspati, janitejj alipampi mayaquïcchi ucajja; uca pachparaquiwa jumanacajj jan achupcasmati janitejj nayampi mayaquïpcasma ucajja.

Juan 3:3

Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.

Juan 3:36

Qhititejj Yokar iyawsqui ucajja wiñay jacañaniwa, ucampis qhititejj jan Yokaru iyawsqui ucajja janiw wiñay jacañanïcaniti, jan ucasti Diosan ajjsarcañ mutuyäwipwa catokani.”

Juan 3:5

Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Juan 6:47

Khanacwa sapjjsma, qhititejj nayar iyawsquitu ucajja wiñay jacañaniwa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Juan 6:55

Janchejjasti chekpach mank'awa, wilajjasti chekpach umañaraquiwa.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

1 Juan 5:12

Qhititejj Diosan Yokaparojj catokqui ucajja wiñay jacañaniwa; ucampis qhititejj Diosan Yokapar jan catokqui ucajj janiw wiñay jacañanïquiti.

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.”

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.”