Juan 6:27

Aymar Bibliia 1986

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Jak'a apnaqawi uñst'ayäwi

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Salmos 40:7

ucat nayajj sista: “Acancasctwa, munañam lurañataqui. Camisatejj kellkatajj nayjjat parlqui ucarjama.

Proverbios 9:5

“Jutapjjam nayan t'ant'ajjat mank'eri, uqhamarac vino waquichcta uca umiri.

Eclesiastés 6:7

Jakejj mank'añataquejj irnakapuniwa, ucampis janiw sisthapquiti.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Jeremías 15:16

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Habacuc 2:13

Take ch'aman Diosajj inamayaruw luratanacamjja tucuyani, jan inact'atanacamsa, take luratanacamaw ninampi tucjatänejja.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Mateo 6:19

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Marcos 1:11

Ucatsti mä aruraquiw alajjpachat ist'asïna: “Jumätawa nayan munat Wawajjajja, cawquïrirutejj nayajj ajlliscta ucajja” sasa.

Marcos 9:7

Ucatsti mä kenayaw jupanacarojj ch'iwjjattäna. Uca kenay taypitsti mä aruraquiw ist'asi: “Acaw nayan munat Wawajjajja. Jupar ist'apjjam” sasa.

Lucas 3:22

Kollan Ajayuwa jupjjaru sarakaniraquïna khanpacha mä palomar uñtata, ucatsti mä aruw alajjpachat ist'asïna: “Jumätaw nayan munat Wawajjajja, cawquïrirutejj nayajj ajlliscta ucajja.”

Lucas 9:35

Ucapachaw kenay taypitjja mä arojj ist'asi, aqham sasa: “Acaw munat Wawajjajja, juparu ist'apjjam.”

Juan 10:28

Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Juan 11:42

Yattwa jumajj nayarojj ist'apunistawa, ucampis nayajj ucjja sistwa aca jakenacan asquipataqui, jumajj nayaru qhitanquista uc iyawsapjjañapataqui —sasa.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

Juan 3:15

Qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:33

Ucampis cawquïritejj iyawsqui ucajja: “Chekaw” siwa Diosan arsutaparojja.

Juan 6:40

Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.

Juan 6:47

Khanacwa sapjjsma, qhititejj nayar iyawsquitu ucajja wiñay jacañaniwa.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Juan 6:53

Jesusasti jupanacarojj sänwa: —Khanacwa sapjjsma, jumanacatejj jan Jaken Yokapan janchipat mank'apcätajja, janirac wilapsa umapcäta ucajja janiw jacañanïpcätati.

Juan 6:54

Qhititejj nayan janchejj mank'qui, wilajjsa umcaraqui ucajja, wiñay jacañaniwa, nayapï khepa urunjja jacatatayaraquëjja.

Juan 6:58

Alajjpachat sarakanir t'ant'atwa parlta. Aca t'ant'asti janiw nayra awquinacamajj maná t'ant'a mankapcäna uqhamäquiti. Jupanacasti uqhampachas jiwarapjjänwa, ucampis qhititejj aca t'ant'atjja mank'cani ucajja wiñayataquiw jacani —sasa.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

Juan 6:68

Simón Pedrosti ucjjarojj saraquïnwa: —Tata, ¿qhitirus arcapjjeristjja? Juman arunacamajj wiñay jacañ arunacawa.

Juan 8:18

uqhamajja naya pachpawa nayatac mä testigötjja, qhitanquitu uca Awquejjajj maynïri testigoraquiwa —sasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

Romanos 4:11

Abrahamajj uca khepatwa circuncidañ luräwjja catokäna, mä chimpücaspas uqhama, cunapachatejj iyawsasin asquit catokatäcäna ucqha. Ucatpï Abrahamajj take qhitinacatejj iyawsäwi laycu Diosampi catokatäpqui ucanacan awquipajja, jan circuncisión catokcchi ucasa.

Romanos 6:23

Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.

1 Corintios 6:13

Chekapunïsquiwa cuntï sapqui: “Mank'ajj puracataquiwa, puracasti mank'ataquiraqui” sasajja; ucampis Diosajj paypachwa tucjani. Janiw janchejj wachoka juchataquïquiti, jan ucasti Tatitutaquiwa, Tatitusti janchitaquiraqui.

1 Corintios 9:2

Mayninacajj: “Janiw jupajj apostolöquiti” sapjjaquitaspawa, ucampis jumanacataquejj mä apostolötwa. Nayasti jumanacarojj Tatituruw uñt'ayapjjsma, ucawa nayataquejj apóstol satäñajjataqui uñacht'äwejja.

2 Corintios 4:18

Janiraquiw jiwasajj cuntejj uñjctan ucar chuymjja churctanti, jan ucasti cuntejj jan uñjctan ucaruwa catuyasipjjtanjja. Cunatejj uñjasqui ucanacasti tucusiriquiwa, ucampis jan uñjasqui ucanacasti janiw tucusirïquiti jan ucasti wiñayataquiwa.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Deuteronomio 30:13

Janiraquiwa jach'a kota qhurcatancquisa juman sañamataqui: ‘Qhitiraqui jiwas lanti kota qhurcataru maqhatani, ucat apanispa jiwasar uñacht'ayañataqui, ucatsti ucarjama sarnakañataqui’ sasa.

Filipenses 2:13

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

Colosenses 2:22

Take aca yatichäwinacasti tucusir yänacampi chicaw tucusiwayjje, jakenacan camachinacapaquiwa, uqhamarac jupanacan yatichatapaquiwa.

Colosenses 3:2

Alajjpach yänacat lup'ipjjam, jan acapach yänacatjja.

1 Tesalonicenses 1:3

Dios Awquisan nayrakatapanjja jumanacatjja amtapjjtwa kawkha iyawsañampis irnakapjjta, kawkha munasiñampis sirvipjjta, uqhamarac Tatit Jesucristosar suyt'añanjja ch'amamp sayt'apjjatama.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

Hebreos 12:16

Janiraqui qhitis wachoka jucha lurasa sarnakcpati, janirac jisc'achapjjamti cunatejj k'omäqui ucarusa. Esaú chachajj ucwa luränjja, mä plato mank'a laycuquiw jilïr yokall wawäñjja aljasïna.

Hebreos 4:11

Uca samarañar mantañataquejj waquisipï wal ch'amañcht'asiñasajja, jan qhitis qhä jan iyawsirinacjama sarnakpati.

Santiago 1:11

Cunapachatejj intejj jalsuni ucatsti wal lupt'ani ucqhajja, korajj wañsjjaquiwa, pankarapasti jalaktjjaquiraquiwa, uqhamwa sumäñapajj tucusjje. Uqhamaraquiw kamir jakejj tucusini luräwinacapamp chica.

1 Pedro 1:24

Kellkatanacan siwa: “Take jakenacajj korar uñtataquiwa, Jach'a cancañapasa koran pankarapar uñtataquiraquiwa. Korajj wañsjjewa, pankaras willirtjjaquiraquiwa.

2 Pedro 1:17

Jupaw Dios Awquit catokäna muspharcay aytatat cancaña, cunapachatejj Diosan arupajj parläna khapak cancañapana juparu akham säna: “Acawa munat Wawajjajja, jupaw nayarojj cusisiyitu” sasa.