Juan 6:19

Aymar Bibliia 1986

Niya mä tupu jiljamwa sarapjjatayna. Ucqha sarcasinwa Jesusar uñjapjjäna uma patanjam jutasquiri, jupanacasti ajjsarapjjänwa.

Jak'a apnaqawi uñst'ayäwi

Job 9:8

Jan qhitin yanapapampiquiwa alajjpachsa luri, jach'a kotanquir jach'a ajjsarcañ animalarus tucjaraquiwa.

Salmos 29:10

Tatituw jallurojj apnake, jupaw wiñay reyjamajj kont'asi.

Salmos 93:4

Tatay, jumasti alajjpachanjja, ch'aman mathapinacat juc'amp ch'amanïtawa, lamar kotanacan ojjenacapat jila ch'amanïtawa.

Ezequiel 27:26

Barcoman remeronacapasti wali jach'a kota tokenacwa jumarojj irpapjjayätamjja, ucampisa inti jalsu toket jutir thayaw jumarojj k'alpuni t'unjaractam uca jach'a kotana.

Jonás 1:13

Barco apnakerinacasti take ch'amanacapampiraquiw remapjjäna kota thiya orakeru jac'achjjañataqui, ucampisa janiw jac'achirjamäpcänti mathapinacajj juc'ampi sartascaquitap laycu.

Lucas 24:13

Uca pachpa uruwa jupanacat paninejj Emaús sat mä marcaru sarasipcäna, ucasti Jerusalén marcatjj mä tunca mayan kilometronjamänwa.

Lucas 9:42

Uca waynarusti niya Jesusar jac'achasinquipanwa, ñankha ajayojj pampar liwinucu. Ucat Jesusajj uca ñankha ajayurojja tokenoke. Uca waynarusti waliptayjjewa ucat awquipar catuyjjaraqui.

Juan 11:18

Betaniajj Jerusalén jac'ancänwa, chica tupunjama.

Juan 14:18

“Janiw wajcha jaytapcämäti, nayajj cutt'anïwa jumanacampïscañataqui.

Juan 6:18

Ucatsti mä jach'a thayawa kota mathapinacampi sartaraquïna.

Juan 6:20

Jesusasti jupanacarojj sänwa: —¡Nayäsctwa, jan ajjsarapjjamti! —sasa.

Apocalipsis 14:20

Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Apocalipsis 21:16

Ucsarusa acsarusa uca marcajj quipcaquïnwa. Angelasti uca kori varapampiw uca marcjja tupt'äna, ucatsti pä waranka pä patacani kilometrönwa. Anchorusa, altorusa, largorusa quipcaquïnwa.