Juan 4:25

Aymar Bibliia 1986

Ucjjarusti warmejj saraquïnwa: —Nayajj yattwa Cristo sutini Mesiasan jutañapa; cunapachatejj jupajj jutcani ucqhawa take cun yatichistani —sasa.

Jak'a apnaqawi uñst'ayäwi

Mateo 1:16

Jacobosti Josean awquipänwa, Joseasti Marian chachapa, uca Mariaw Jesusan taycapajja, qhititejj Cristo satäquis ucana.

Mateo 27:17

Uqham tantacht'atäsquïpanwa jupanacarojj Pilatojj jisct'äna: —¿Cawquïrirus jumanacajj aca paninita antutañajja munapjjtajja, Barrabasaruti, jan ucajj Cristo satäcaraqui uca Jesusarucha? —sasa.

Mateo 27:22

Pilatosti jupanacarojj wasitata jisct'äna: —¿Cunarac lurästi Jesusampisti, qhititejj Cristo satäqui ucampejja? —sasa. Ucarojj takeniw mayac sapjjäna: —¡Ch'accatatäpan! —sasa.

Lucas 2:11

Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 4:29

—Jutapjjam uñjiri, mä chachaw take luratanacajj khanañchitu. ¿Janit Cristöcpacha? —sasa.

Juan 4:39

Waljaniwa Samaria marcanquirinacajj Jesusar iyawsapjjäna, warmin aqham arsutap laycu: “Take luratanacajj khanañchitu” sasa.

Juan 4:42

Ucatsti warmirojj sapjjänwa: —Jichhajj, janiw juman arsutamatacti iyawsapctjja, jan ucasti nanac pachpawa jupat ist'apjjtjja, yatipjjaractwa jupajj acapachan khespiyiri chekpach Cristötapa.