Juan 20:19

Aymar Bibliia 1986

Ucürojj semana kallta urünwa. Uca jayp'pachawa discipulonacajj tantacht'atäpjjäna, puncunacasti wali jist'antata judionacaru ajjsaratanacap laycu. Jesusasti mantasinwa jupanac taypiru sayt'asi, aruntaraquiwa: —Sumancañajj jumanacampïpan —sasa.

Jak'a apnaqawi uñst'ayäwi

Salmos 122:8

Jichhasti, jilanacajj laycuw arsü, nayamp chic sarnakerinacajj laycuw arsuraquï: “Sumancañajj jumampïpan.

Mateo 10:13

Utanitejj asquïnejja, uca suma aruntajj asquïniwa; jan asquïcchi ucasti janiw asquïcaraquiniti.

Mateo 18:20

Cawquintejj paninisa, quimsanisa sutejjaru tantachatächejja, nayajj jupanac taypinctwa.

Marcos 16:14

Uca khepatsti Jesusajj tunca mayan discipulonacaparuw uñstäna mesan kont'atäsipquiriru. Jupanacarusti pisi iyawsañanïpjjatapatwa khant'äna, kala chuymanïpjjatapataraqui, Jesusan jactatap yatiyirinacaru jan iyawsapjjatap laycu.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 16:22

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Juan 20:21

Jesusasti wasitampiw jupanacaru säna: —Sumancañajj jumanacampïpana. Cunjämtejj Awquejj nayaru qhitanquitu, uqhamaraquiw jumanacarojj qhitapjjsma —sasa.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Juan 21:1

Acanac pasatatsti, Jesusajj wasitampiw discipulonacaparu uñstäna Tiberias sat kota thiyana. Aqhamwa uñstäna.

Juan 21:14

Acampejj Jesusajj quimsa cutiw discipulonacaparu uñstäna jiwatanac taypit jactatapat ucsarojja.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Hechos 1:3

Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Romanos 15:33

Sumancañan Diosajj jumanacampipunïpan. Uqhamäpan.

1 Corintios 15:5

ucatsti Pedroruw uñstänjja, uqhamarac yakha apostolonacarusa.

Efesios 2:14

Cristow sumancayirisajja, jupajj judionacsa jan judionacsa mä sap marcacwa tucuyawayi cawquïr uñisiñatejj mä perkjama jaljcäna uc t'unjasina.

Efesios 6:23

Dios Awquisa, Tatit Jesucristosa jumanacarojj sumancaña, munasiña, uqhamarac iyawsañsa churpan.

Filipenses 1:2

Bendicionampi sumancañampisti jumanacampïpan Dios Awquisata, uqhamarac Tatit Jesucristompita.

2 Tesalonicenses 3:16

Pachpa samarañan Tatitojj jumanacarojj samarañ churpan take horasansa, cunayman toketsa. Tatitojj take jumanacampïpan.

Hebreos 7:2

Abraham chachasti cuntejj nuwasïwinjj jicjjatancatayna ucat diesmo churäna. Melquisedec sutejj sañ muni nayrakatajj “Chekap rey”, uqhamarac “Sumancañan reyipa”, jupajj Salem marcan reyïtap laycu.

3 Juan 1:14

Jan ucasti janc'aquiw uñcatañ munsma, ucqhaw jumampejj parlasiscañäni.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.