Juan 20:15

Aymar Bibliia 1986

Ucatsti Jesusajj jisct'änwa: —Warmi, ¿cunats jachascta? ¿Qhitirus thakta? —sasa. Mariajj amuyänwa huerto uñjirïcaspas uqhama, ucatwa saraquïna: —Tata, jumatejj apsta ucajja, yatiyita cawquirus uscta, ucat apasjjañajjataqui —sasa.

Jak'a apnaqawi uñst'ayäwi

Cantar de los cantares 3:2

Ucatsti sartasinjja marcpachwa muytanta, callenacana, uqhamarac plazanacana, nayan ancha munatajjaru thakasajja. Thaktwa, ucampis juparojj janiw jicjjatcti.

Cantar de los cantares 6:1

Muncañ warminac taypita wali muncañ warmi, ¿cawquirus munatamajja sarjjejja? ¿Cawcsa tokerus sarawayi? ¡Jumamp chica thakeri sarañäni!

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Mateo 28:5

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama.

Marcos 16:6

Waynasti jupanacarojj sänwa: —Jan sustjasipjjamti, ch'accatatäcäns uca Nazaretanquir Jesusaruw thakasipctajja. Jupajj jactawayjjewa; janiw acancjjeti. Uñjapjjam cawqharutejj uchatäcäns ucjja.

Lucas 2:44

“Jesusajj jakenacamp chicaw sarjjpacha” sasaw jupanacajj mä uru sara sarapjje; ucatsti familianacapa uqhamarac uñt'atanaca taypin thaktapjje, ucampis Jesusajj janiw ucanccänti.

Lucas 24:5

Jupanacasti ajjsarañat orakeruw alintapjjäna. Uca chachanacasti sapjjewa: —¿Cunats jumanacajj jacasquirirojj jiwatanac taypinjj thakapjjta?

Juan 1:38

Jesusasti khepäjj uñaquipasisinsti jupar arcasquirwa uñjäna, jupanacarusti saraquïnwa: ¿Qhitsa thakasipcta? —sasa. Jupanacasti sapjjaraquïnwa: —Yatichiri, ¿cawquins jacascta? —sasa.

Juan 18:4

Jesusajj yatïnwa cunatejj jupampejj pasañapäcäna ucjja. Mistusinjja jupanacarojj jisct'iwa: —¿Qhitirus thakapjjta? —sasa.

Juan 18:7

Wasitampiw Jesusajj jupanacaru säna: —¿Qhitirus thakapjjta? —sasa. Jupanacasti sapjjaraquïnwa: —Nazaretanquir Jesusaruwa —sasa.

Juan 20:13

Angelanacasti juparojj jisct'änwa: —Warmi, ¿cunats jachascta? —sasa. Mariasti sänwa: —Tatitojjan janchip apasjjapjjatayna, janiw yatcti cawquir uscupjjatapsa —sasa.

1 Samuel 1:16

Jan jumajj nayan jan wali warmïtajj amuyamti, jan ucasti take aca horasanwa Tatitut mayisiscta, chuymajjan wali mayjt'ata, llact'ataraqui jicjjatasitajj laycu —sasaw Anajj säna.