Juan 20:13

Aymar Bibliia 1986

Angelanacasti juparojj jisct'änwa: —Warmi, ¿cunats jachascta? —sasa. Mariasti sänwa: —Tatitojjan janchip apasjjapjjatayna, janiw yatcti cawquir uscupjjatapsa —sasa.

Jak'a apnaqawi uñst'ayäwi

Eclesiastés 3:4

Jachañ horasa, laruñ horasa. Llaquisiñ horasa, cusisincaña horasa.

Jeremías 31:16

Ucampisa Tatitojj saraquiwa: “Raquel, jan juc'ampi jachcjjamti; jan jachanacam juc'ampi wartcjjamti, llaquisitanacamasti janiw inamayataquïcaniti. Wawanacamajj uñisirinacan orakenacapatjja cuttanjjapjjaniwa. Naya Tatituw ucjja arsta.

Lucas 24:17

Ucapachaw Jesusajj jupanacar jisct'äna: —¿Cunjjats jumanacajj thac sarcasajj ch'ajjwapjjta? ¿Cunats llaquitäpjjta? —sasa.

Juan 19:26

Jesusasti taycaparu, uqhamarac wali munat discipuloparu ucqhan uñjasinjja sänwa: —Warmi, ucajjay yokamajja —sasa.

Juan 2:4

Ucampis Jesusajj taycaparojj sänwa: —Warmi, ¿cunatsa nayarojj uc sista? Janïraw horasajjajj purinquiti —sasa.

Juan 20:15

Ucatsti Jesusajj jisct'änwa: —Warmi, ¿cunats jachascta? ¿Qhitirus thakta? —sasa. Mariajj amuyänwa huerto uñjirïcaspas uqhama, ucatwa saraquïna: —Tata, jumatejj apsta ucajja, yatiyita cawquirus uscta, ucat apasjjañajjataqui —sasa.

Juan 20:2

Uqham uñjasinsti Simón Pedron ucaru, uqhamarac cawquïr discipulorutejj Jesusajj wal munäna ucan ucaruw jaläna, ucatsti saraquïnwa: —Tatitun janchipjja sepulturat apasjjapjjataynawa, janiraquiw yatipcti cawquïru apapjjatapsa —sasa.

Hechos 21:13

Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.

1 Samuel 1:8

Ucat Elcana chachapajj saraquirïna: “Ana, ¿cunatsa jachta? ¿Cunatsa ucatak llaquitäta, janiraquiw mank'añsa munctati? ¿Janit nayasti jumataquisti tunca wawanacat sipansa asquïctsti?” sasa.