Juan 19:2

Aymar Bibliia 1986

Soldadonacasti Jesusan p'ekepjjarojj ch'aphit lurat coronampiw uscuntapjjäna, ucatsti isintayapjjaraquïnwa mä ch'iyär wila isimpi.

Jak'a apnaqawi uñst'ayäwi

Salmos 22:6

Nayasti janiw jakëcti, lak'oquïtwa, jaken p'enkachañaquïtwa, jakenacan jisc'achañaquïtwa;

Isaías 49:7

Khespiyiri Tatitusti, Israelan Kollan Diosapajja, k'ala jisc'achjat marcaru: cawquirïrutejj yakha marcanacar uñisqui, cawquïritejj khoru jakenacan esclavopäcän ucarojj siwa: “Cunapachatejj reyinacasa, jilïrinacas uñjapjjätam ucapachajja, sartasipjjaniwa juma nayrakatan alt'asipjjani, naya Tatitu, Israelan Kollan Diosapaw jumarojj ajllissma, arsutanacajjsti phokharactwa” sasa.

Isaías 53:3

jakenacajj juparojj jisc'achapjjänwa, apanucupjjaraquïnwa. T'akhesiñan phokt'at jakënwa, t'akhesiris yatitaraqui. Jupajj janis qhitimpi uñjatäñapas waquiscaspa uqham jisc'achatänwa, uqhamäquipansa uñisnuctanwa, apanucuractanwa.

Lucas 23:11

Ucapachasti Herodesampi, soldadonacapampejj wal jisc'achapjjäna, ucatsti p'enkachañat juparojj suma isinacampiw ist'ayapjje mä reyirjama. Ucat Herodesajj wasitat Pilaton ucar qhiti.

Juan 19:5

Jesusasti, p'ekeparu ch'aphi coronampi usct'ata, ch'iyär wila isimpi ist'ataraquiw mistunïna. Ucjjarusti Pilatojj jupanacarojj sänwa: —¡Acajj uca jakejja! —sasa.