Juan 17:8

Aymar Bibliia 1986

Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Jak'a apnaqawi uñst'ayäwi

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Proverbios 1:3

yatichäwinaca, ch'iqhi cancaña jicjjatañataqui, uqhamarac jakerojj asqui cheka cancañana sarnakaña yatichañataqui;

Proverbios 2:1

“Munat wawajjay, jumatejj arunacajja catoketäta; camachi arunacajjsa imaraquïta,

Proverbios 4:10

“Munat wawajjay, arunacajja ist'asinjja catoketa, ucatsti walja maranacaw jacäta.

Proverbios 8:10

Kollketa, suma korita sipansa, jicjjatapjjam yatichäwinaca, yatiñ cancañaraqui” sasa.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Juan 12:49

Janiw naya pachpatacti parlctjja; qhitanquitu uca Awquejjaw situ cuntejj arsuñajjäqui, yatichañajjäcaraqui ucjja.

Juan 14:10

¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.

Juan 15:15

Janiw “uywatanac” sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj “amigonac” sapjjsmawa, cuntejj Awquejjajj sisquitu uca jumanacar yatiyatajj laycu.

Juan 16:27

Awqui pachpan jumanacar munatap laycu. Jupasti munasipjjtamwa jumanacajj nayaru munasipjjesta, uqhamarac nayajj Diosat jutatajj iyawsapjjesta uca laycu.

Juan 16:30

Jichhaw uñjapjjta take cun yatitama, janiraquiw munascjjeti jumaru qhitin jisct'asiñapasa. Ucatwa iyawsapjjta Diosat jutatama —sasa.

Juan 17:14

Nayajj jupanacarojj arunacamjj churtwa, ucampis acapachajj jupanacarojj uñisiwa jupanacajj jan acapachanquirinacäpjjatap laycu, cunjämtejj nayajj jan acapachanquirïctjja uqhama.

Juan 17:18

Cunjämtejj nayarojj acapachanquirinac taypiru qhitanistajja, uca pachparaquiw jupanacarojj acapachanquirinac taypiru qhitta.

Juan 17:21

Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 3:17

Diosajj janiw Yokapjja acapachar juchañchañataqui qhitanquiti, jan ucasti acapachajj jupa toke khespitäñapataquiw qhitani.

Juan 3:33

Ucampis cawquïritejj iyawsqui ucajja: “Chekaw” siwa Diosan arsutaparojja.

Juan 6:68

Simón Pedrosti ucjjarojj saraquïnwa: —Tata, ¿qhitirus arcapjjeristjja? Juman arunacamajj wiñay jacañ arunacawa.

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

1 Corintios 11:23

Cuntejj nayajj yatichapcsma ucjja pachpa Tatitutwa nayajj catokta. Tatit Jesusajja, catuntatäñapäcän uca arumajj t'ant'wa irtäna,

1 Corintios 15:1

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

1 Juan 4:14

Jiwasanacpachaw uñjaractanjja, khanañcharactanwa aqham sasa: —Alajjpach Awquejja qhitaniw Yokaparu acapachar khespiyañataqui.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.