Juan 17:20

Aymar Bibliia 1986

“Janiw jupanac sapataquiquit acjj mayctjja, jan ucasti qhitinacatejj khepanacat nayaru iyawsapquitani jupanacan arunacap ist'asina ucanacampitaquiw maysma.

Jak'a apnaqawi uñst'ayäwi

Juan 10:16

Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Juan 17:21

Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Hechos 2:41

Qhitinacatejj Pedron arunacapar ist'asinjja jaysapcän ucanacajja, Diosaruw cutiquipstanjjapjjäna bautisasisina. Ucürusti mä quimsa warank jakenacjamaw iyawsirinacarojj yapjjattäna.

Hechos 4:4

Ucampis waljaniw Diosan arunacap ist'irinacatjja iyawsapjjäna. Takpach iyawsirinacasti chachanaccamaquiw mä pheska warankjamäna.

Romanos 16:26

Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

2 Timoteo 1:2

Aca cartjja apayansmawa Timoteo, munat wawajja, Dios Awquejja uqhamarac Tatit Jesucristosajja jumarojj bendispan, qhuyapayasiracpan, samarañapjja churaracpan.