Juan 17:19

Aymar Bibliia 1986

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Jak'a apnaqawi uñst'ayäwi

Isaías 62:1

Sión, jumar munatajj laycojj janiw amuct'cäti, Jerusalén, jumar munatajj laycusti janiw samarcaraquïti, atipjañamajj khantati khanar uñtata c'ajañapcama, khespiyasiñamasti mä ninar uñtata khanañapcama.

Jeremías 1:5

“Janïra jumar jacaña churcäyäsma ucqhatpachwa ajllïsma; janïra nascäyäta ucqhatpachwa nayajj yakhachäsma; marcanacan profetapäñamataquiw jumarojj uchsma” sasa.

Números 7:15

mä vaca kallu, mä orko oveja, mä marani orko oveja ofrendat loktañataqui.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: “Diosjjat parli” sapjjta, “Diosan Yokapätwa” satajjatacti?

Juan 15:13

Janiw juc'ampi jach'a munasiñanejj utjcaspati cawquïritejj amigonacap laycu jacañap apt'asquis ucat sipanjja.

Juan 15:3

Jumanacajj k'omäjjapjjtawa, yatichapcsma uca arunac toke.

Juan 17:17

Cheka cancañampi k'omacham juma pachpataqui, arunacamasti chekawa.

Juan 17:20

“Janiw jupanac sapataquiquit acjj mayctjja, jan ucasti qhitinacatejj khepanacat nayaru iyawsapquitani jupanacan arunacap ist'asina ucanacampitaquiw maysma.

1 Corintios 1:2

kellkanipjjsma Diosan iglesiapanquir Corinto jilatanacaru. Jumanacasti Diosanquirïpjjaractawa Jesucristompi mayaquïpjjatam laycu. Diosaraquiw jumanacarojj jawsapjjtam Diosar catuyata k'oma jacañan sarnakapjjañamataqui, qhitinacatejj take chekansa Tatit Jesucriston sutipar mayisisa sarnakapqui ucanacampi chica sarnakapjjañamataqui. Uca Jesucristosti take jupanacana, uqhamarac jiwasanacan Tatitusawa.

2 Corintios 4:15

Take ucanacasti jumanacan asquinacamataquiw lurasiraqui, uqhamata waljani Diosan bendicionanacapa catokerinac utjatapatjja, waljanirac Diosarojj yuspagarapjjañapataqui jupan jach'a khapak cancañapata.

2 Corintios 7:14

Uqhamatwa jan nayajj mä p'enka uñjascti cunapachatï Titorojj jumanacatjj: “Wal cusista” siscäyät uca toketjja. Take cuntï jumanacar sapcäyäsma ucajj chekäscapuniwa. Uqhamaraquiw Titorojj cuntï jumanacat sapcäyät ucajj cheka uñstawayi, jumanacat cusisipjjatanacajjajja.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

1 Tesalonicenses 4:7

Diosajj jupar catuyasita k'oman jacañasataquiw jawsistu, janiw juchan jacañasataquiti.

2 Timoteo 2:10

Ucatwa take cuns t'akhestjja Diosan ajllitanacapar munatajj laycu, jupanacajj Cristo Jesusampi mayachasitasat jutquis uca wiñay jach'a khespiyasiña catokapjjañapataqui.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Hebreos 2:11

Qhitinacatejj catuyatäqui uqhamarac catuyqui ucasa, takew pachpa Awquinqui. Ucatwa Diosan Wawapajj jan p'enkasquiti: “Jilatanaca” sañjja.

Hebreos 9:13

Chekaraquïnwa toronacana, cabritonacan wilanacapampi, uqhamarac kachu vaca kallunacan khellanacapampi altaran naqhantqui, juchararanacjjaru ch'alljjatatäcaraqui ucajja, ch'amaniraquiw ankäjjat k'omachañataquejja.

Hebreos 9:18

Ucataracwa nayra arust'äwejj wila wartäwimpi lurasïna.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

1 Juan 3:18

Wawanacajja, jiwasan munasiñasajj janiw lacaquïñapäquiti; jan ucasti chekpach munasiñasajj luräwinacasana uñjasiñapawa.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.