Juan 16:17

Aymar Bibliia 1986

Ucatsti yakhep discipulonacapajj jisct'asipjjewa maynit maynicama aqham sasa: —¿Cun sañsa munistu: “Mä juc'a urunacampitjja janiw uñjcjjapjjetätati, ucampis mä juc'ampjarojj uñj-jjapjjaraquitätawa, cawquincquitejj Awquejj ucar sarascatajj laycu” sasajja?

Jak'a apnaqawi uñst'ayäwi

Marcos 9:10

Jupanacasti amuquiw chuyma mankhanacapar imapjjäna cuntï uñjapcän ucjja. Ucampis jupanaccamaw jisct'asipjjäna —¿Cun sañrac munpacha “Jaken Yokapajj jiwatat jactjjani, sasinsti?” —sasa.

Marcos 9:32

Jupanacasti Jesusan parlatapjja janiw amuyt'apcänti, jupar jisct'añsa ajjsarapjjaraquïnwa.

Lucas 18:34

Jupanacasti janiw amuyapcänti ni cunsa aca toketjja. Janiraquiw amuyapcänsa cunjjat parlatapsa, uca arunacasti jupanacataquejj jan amuyt'añjamänwa.

Lucas 9:45

Ucampis discipulonacapajj janiw camsataps amuyt'apcänti, janiraquipï jupanacan amuyt'apjjañapataquejj churatäcäntejja. Ajjsarapjjaraquïnwa jupar mayiñjja uca arunacat khanañchañataquejja.

Juan 12:16

Kalltanjja discipulonacapajj acanacjja janiw amuyt'apcänti. Cunapachatejj Jesusajj alajjpachar aptatäjjän ucqhaquiw amtapjjäna take acanacajj jupjjat kellkatäscatapa, uqhamarjama phokhasiscataparaqui.

Juan 14:22

Judasajj (aca Judasajj janiw Iscariote ucäquiti) Jesusarojj sänwa: —Tata, ¿cunatsa nanacarojj uñacht'ayasipjjetäta, acapachanquir jakenacarusti janirac uñacht'ayascätati? —sasa.

Juan 14:5

Tomasejj Jesusarojj siwa: —Tata, janiw yatipcti cawquïru sarañamsa, ¿cunjämsa uca saräwjja yatipjjäjja? —sasa.

Juan 16:1

“Acanacsti jumanacarojj sapjjsmawa jan mayjt'asipjjañamataqui.

Juan 16:16

“Mä juc'a urunacampitjja janiw uñjcjjapjjetätati, ucampis mä juc'ampjarojj uñj-jjapjjaraquitätawa, nayajj cawquincquitejj Awquejj ucar sarascatajj laycu.

Juan 16:18

¿Camsañs munpacha: —“Mä juc'a urunacat” sasajja? Janiw cunat parlataps amuyctanti —sasa.

Juan 16:19

Jesusajj yatïnwa cuntejj jisct'asiñ munapjjäna uca, ucatsti saraquïnwa: —Nayajj sapjjäyäsmawa: “Mä juc'a urunacatjja janiw uñjcjjapjjetätati, ucatsti mä juc'ampjarojj wasitampi uñj-jjapjjaraquitätawa” sasa. ¿Acti jumanacajj jisct'asisipcta?

Juan 16:5

Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: “¿Cawquïrus saräta?” sasa.