Juan 16:13

Aymar Bibliia 1986

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Jak'a apnaqawi uñst'ayäwi

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Juan 12:49

Janiw naya pachpatacti parlctjja; qhitanquitu uca Awquejjaw situ cuntejj arsuñajjäqui, yatichañajjäcaraqui ucjja.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 14:26

Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 15:26

“Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Juan 16:12

“Juc'ampiw jumanacar arsuñanacajjajj utjasquitu, ucampis jichhajj janiw amuyt'apcasmati.

Juan 3:32

Uqhamaraquiw parli cuntejj uñjqui ist'caraqui ucjjata, ucampis janiw qhitis iyawsquiti cuntejj jupajj arsqui ucjja.

Juan 8:38

Nayajj parltwa cuntejj Awquejjajj uñacht'ayquitu uca, uqhamarac jumanacajj cuntejj awquimajj sapctam uc lurapjjtajja.

Hechos 11:28

Uca profetanacat maynïriw utjäna Agabo sutini. Jupasti jilatanac taypin sayt'asisinwa Kollan Ajayu toke jupanacar yatiyäna: “Mä jach'a mach'aw take oraker jutani” sasa. Ucasti Claudio sat jach'a jilïrin urunacapanwa phokhasïna.

Hechos 20:23

Ucampis acacwa yatta: sapa marcanacanccasinjja Kollan Ajayojj aqham situwa: “Carcelanacampi walja t'akhesiñanacampiw suyasctam” sasa.

Hechos 27:24

Uca angelasti saraquituwa: “Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja” sasa.

2 Tesalonicenses 2:12

uqhamata juchañchatäpjjañapataqui take qhitinacatejj Diosan arunacapar jan iyawsañ munapqui, jan ucasti jan walinacac lurañ munapqui ucanacajja.

2 Tesalonicenses 2:3

Jan cunäquipansa sallkjayasipjjamti. Janïra uca urojj purinquipanjja Dios contra sayt'añaw jutañapa, cunapachatejj ñankha jakejj uñstancani cawquïritejj t'unjañataqui juchañchatäqui uca.

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

1 Juan 2:20

Jumanacarojj Cristo Tatituw Kollan Ajayu churawayapjjtamjja, uqhamarac take cunwa yatipjjaractajja.

1 Juan 2:27

Ucampis jumanacanjja utjapjjtamwa Kollan Ajayu cawquïrtejj Tatit Jesucristojj churapjjtam uca. Uqhamatwa jan qhitin yatichäwips munapctati, uca pachpa Ajayuw jumanacarojj yatichapjjtam. Yatichäwipasti chekawa, janiraquiw c'arïquiti. Uqhamay Tatit Jesucristompejj mayac jacapjjam, cunjämtï Kollan Ajayojj yatichapctam uqhamarjama.

1 Juan 4:6

Ucampis jiwasanacajj Diosanquirïtanwa. Qhititejj Diosar uñt'qui ucajj ist'istuwa; jan Diosanquirïqui ucasti janiw ist'quistuti. Uqhamatpï uñt'snajja cawquïritejj cheka ajayunïqui, uqhamarac c'ari ajayunïqui ucsa.

1 Juan 5:6

Tatit Jesucristojj jutawayiwa umampi wilampi unañcht'ata; janiraquiw umampiquiti, jan ucasti umampi uqhamarac wilampi, Ajayu pachparaquiw ucjjatjja testigo, Ajayusti chekaraquiwa.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.