Juan 15:4

Aymar Bibliia 1986

Jumanacajj nayampi mayaquïpjjam, cunjämatejj nayajj jumanacampi mayaquïtjja uqhama. Mä laymi sapajj janiw achcaspati, janitejj alipampi mayaquïcchi ucajja; uca pachparaquiwa jumanacajj jan achupcasmati janitejj nayampi mayaquïpcasma ucajja.

Jak'a apnaqawi uñst'ayäwi

Cantar de los cantares 8:5

¿Qhitis wasar toketa jutasqui, munatapana callachipjjaru aljjatata? Mä manzano ali jac'anwa jumarojj iquit sartaysma; ucanwa taycamajj parto usupjja sartayasi; ucanaracwa taycamajj jumarojj wawachastam.

Oseas 14:8

Efrainasti saraquiniwa: “Cunäpas jichhajj c'ari diosanacajja” sasa. ¡Nayaw uñjasta, imasiracta marcajjarojja! Nayajj mä pino kokjama ch'ojjñaquipunïsctwa, nayanwa marcajjajj achupjja jicjjataraquini.”

Mateo 12:33

“Mä kokatejj sumächi ucajja, suma achuniwa; jan suma kokäcchi ucasti, janiw sumäquiti achupajja. Uqhamasti mä kokajj achupat uñt'atawa.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 6:56

Qhititejj nayan janchejj mank'qui, wilajjsa umcaraqui ucajja nayampejj mayaquiwa, nayasti jupampejj mayaquiraquïtwa.

Juan 8:31

Juparu iyawsapcatayna uca judionacarojj Jesusajj sänwa: —Jumanacatejj chekpach sayt'apjjäta cuntejj sapjjsma uqhamarjama ucqhajja, nayan chekpacha discipulonacajjaw tucupjjäta.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

2 Corintios 13:5

Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Efesios 3:17

Cristojj chuymanacaman iyawsañ toke jacañapataqui. Uqhamaraquiw mayta jumanacajj munasiñanjja ch'amanïpjjañamataqui suma saphintatjama,

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:6

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

Hebreos 10:39

Ucat sipan janiw jiwasanacajj khepar cutt'irinacäctanti, janiraquiw t'unjatäñan sarirïctansa, jan ucasti iyawsañaninacätanwa, uqhamatwa almasjja imasipjjtanjja.

1 Juan 2:6

Qhititejj: “Diosampiw jacascta” sasqui ucajja, cunjämatejj Jesucristojj jaccäna uca quicparaquiw jacañapa.

2 Juan 1:9

Qhititejj sinti nayrt'canejja janirac Tatit Jesucriston yatichäwiparjam sarnakqui ucajja, janiw Diosampïquiti; ucampis qhititejj Tatit Jesucriston yatichäwiparjam sarnakquejja uquïriw Awquimpejja, uqhamarac Yokampisa.