Juan 14:21

Aymar Bibliia 1986

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Jak'a apnaqawi uñst'ayäwi

2 Reyes 18:6

Jupasti Tatitumpipuniwa suma sarnakäna, janiw jupatjja sarakcänti, uqhamaraquiw jupajj phokhäna Moisesaru Tatitojj camachi arunacapa churcäna ucanacjja.

Salmos 35:27

Nayan atipañajj munirinacasti k'ochupjjpan, cusisipjjaracpan, jan karjasis arsupjjpan: “Tatitojj jach'a ch'amaniwa, uywatapar sum jacasir uñjasajj cusisiwa”, sasa.

Éxodo 33:18

Ucampis Moisesajj achict'asïnwa: —¡Uqhamasti, jach'a cancañamay uñacht'ayita! —sasa.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Jeremías 31:31

Tatitojj siwa: “Mä uruw puriniraquini cunapachatejj nayajj Judá marcampisa, Israel marcampisa mä suma machaka arust'äwi lurcä uca urojja.

Sofonías 3:17

Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Juan 14:15

“Jumanacatejj munapjjchistajja, camachinacajj phokhapjjam.

Juan 14:18

“Janiw wajcha jaytapcämäti, nayajj cutt'anïwa jumanacampïscañataqui.

Juan 15:14

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Juan 16:14

Jupaw nayar jach'añchitani, cunatejj nayancquis uca catokatap laycu, ucsti jumanacaruw yatiyapjjaraquïtam.

Juan 16:27

Awqui pachpan jumanacar munatap laycu. Jupasti munasipjjtamwa jumanacajj nayaru munasipjjesta, uqhamarac nayajj Diosat jutatajj iyawsapjjesta uca laycu.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Hechos 22:18

Ucapachaw Tatiturojj uñjta. Jupasti saraquituwa: “Janc'ac Jerusalén marcat mistum. Cuntejj nayjjat parlctas ucjja, janiw acanjja ist'apcätamti” sasa.

2 Corintios 12:8

Quimsa cutiraquiw Tatiturojj achict'asta nayar uca t'akhesiñ apakañapataqui;

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Deuteronomio 11:13

“Jumanacatï Diosan camachi arunacapa jichha uruna churapcsma ucanaca phokhapjjäta, ucatsti Tatitu Diosamaru munapjjaraquïta, take chuymampi yupaychapjjaraquïta take jacañamampi ucqhajj,

Deuteronomio 7:13

Jumanacarusti munasiñampiw uñjapjjätam, bendicipjjaraquïtamwa waljaniru mirtayasa; uqhamaraquiw jupajj bendiciraquini wawanacamaru, yapunacamaru, cosechanacamaru, trigo yapunacamaru, vinomaru, aceitemaru, uqhamaraquiwa bendicini vacanacamana, ovejanacamana kallunacaparusa, cawquïri oraktï churä siscän awquinacamaru arupampi arsusina ucanacaru.

2 Tesalonicenses 2:16

Tatit Jesucristos pachpa, uqhamarac Dios Awquisasa qhuyapayasiñapampiw munasistu wiñay chuymachäwi churasa, uqhamarac mä suma suyt'añampi.

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.

1 Juan 2:5

Ucampis cawquïritejj Diosan camachinacaparjam lurqui ucajja, chekpachansa Diosarojj muniwa; uqhamatwa yattanjja Tatitumpi mayaquïtasjja.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

2 Juan 1:6

Munasiñajj Diosan camachinacaparjama jacañawa. Acawa uca camachejja: Munasiñan sarnakapjjam cunjämtï kalltäwitpach ist'apjjta uqhamarjama.

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.”

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Apocalipsis 3:20

Acajjay nayajj puncuncasctwa, lek'escaractwa. Maynitejj arojj ist'asin jist'aritanejja, nayajj jupan ucaruw mantä, jupampiraquiw mank'ä, jupasti nayampiraqui.