Juan 14:19

Aymar Bibliia 1986

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Jak'a apnaqawi uñst'ayäwi

Juan 11:25

Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 13:33

Munat wawanacajja, mä juc'a urunacampiquiw jumanacampïyajja. Jumanacajj nayarojj thakapjjetätawa, ucampis cunjämtejj judionacaru sisctjja uqhamaracwa sapjjsma jichhajja: “Janiw jumanacajj sarapcasmati cawquïrutejj nayajj sarcä ucarojja.”

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 16:16

“Mä juc'a urunacampitjja janiw uñjcjjapjjetätati, ucampis mä juc'ampjarojj uñj-jjapjjaraquitätawa, nayajj cawquincquitejj Awquejj ucar sarascatajj laycu.

Juan 16:22

Uca pachparaquiw jumanacajj jichhajj llaquisipjjta; ucampis nayajj wasitampiw cutt'anis uñjapjjäma, ucqhawa jumanacajj wal chuymanacaman cusisipjjäta, uca cusisiñsti janiw qhitis apakapcätamti.

Juan 6:40

Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.

Juan 7:33

Ucatsti Jesusajj saraquïnwa: —Nayajj jumanacampejj juc'ataquiquiw acancä, ucatsti qhitanquitu ucaruw cutt'awayjjä.

Juan 8:21

Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Hechos 10:41

Janiw take jakerut Jesusajj uñstcänjja, jan ucasti nanacaruquiwa uñstapjjetu, qhitinacarutejj Diosajj ajllipquitäna nayratpacha, khanañchirinacäpjjañajjataqui ucanacaru. Nanacaw mank'apjjta, umapjjaracta jupampi, jiwatanac taypit jactatap khepatjja.

Romanos 5:10

Diosan uñisiripäcasinsa Dios quipcaw sumancthapiyistu jupan Wawapan jiwatap toke, ucataracwa jichhajj uca Wawapan jacäwip toke khespiyatäñäni, jupampi sumancthapitas laycu.

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

1 Corintios 15:45

Diosan Arunacapasti saraquiwa: “Nayrïri Adán jakejj mä jacquir jakewa tucuwayjje” sasa, ucampis khepa Adanasti jacañ churir ajayuruw tucuraqui.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.