Juan 13:18

Aymar Bibliia 1986

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: “Cawquïritejj nayamp chica mank'qui ucajja nayataquiw sayt'i” sasa.

Jak'a apnaqawi uñst'ayäwi

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Jeremías 41:2

Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Mateo 10:36

uqhamata maynit maynicama familpachan uñisisiñajj utjañapataqui.

Mateo 26:21

Mank'casinsti jupanacarojj aqham sänwa: —Khanacwa sapjjsma, jumanacat maynïriwa nayarojj aljantitani —sasa.

Mateo 26:23

Jesusasti ucjjarojj saraquïnwa: —Qhititejj nayampi chica mä platot mank'asqui ucawa, juparaquiw nayarojj catuntayitani.

Marcos 14:17

Arumt'jjepansti Jesusajj tunca payani discipulonacapampiw puripjjäna.

Marcos 14:18

Mesan kont'at mank'ascasinsti, Jesusajj jupanacarojj sänwa: —Khanacwa sapjjsma, nayamp chic mank'apctas ucanacat mayniw aljantitani —sasa.

Marcos 14:20

Jesusasti jupanacarojj sänwa: —Tunca payanit maynïriwa, qhititejj nayamp chica t'ant'a mä platot chilltasquejj ucawa.

Lucas 22:21

Jichhasti qhititejj nayar aljantquitani uca jaken amparapajj nayan amparajjamp chicäsquiwa mesana.

Juan 13:21

Uc arsusinjja Jesusajj chuymapanjj wali llact'atawa uñjasïna, ucatsti khanacwa arsuraquïna aqham sasa: —Khanacwa sapjjsma, jumanacat maynïriw aljantitani —sasa.

Juan 13:22

Uc ist'asinjja discipulonacapajj jupanaccam uñcatasisinjja janiw qhitjjat parlatapsa yatipcaraquïnti.

Juan 13:26

Jesusasti sänwa: —Mä jisc'a t'ant'wa juricht'ä, ucat cawquïrirutejj churcä ucawa —sasa. Uqhamwa mä jisc'a t'ant'a juricht'asin Simonan yokapa Judas Iscarioteru churäna.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 15:19

Jumanacatejj acapachanquirïpjjasmajja, acapachanquir jakenacajj munasipjjeristamwa jupanacanquirirjama. Ucampis nayaw jumanacar ajllisipjjsma acapacha taypita, ucatwa acapachajj uñisipjjtam, jan acapachanquirëjjapjjatam laycu.

Juan 15:25

Ucampis acanacajj pasañapapuniwa, jupanacan ley kellkatanacapan: “Alekat uñisipjjetu” sisqui uca arunacajj phokhasiñapataqui.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Juan 18:32

Uqhamaw Jesusan arsutapajj phokhasi, cunjämtejj jiwañapäcäna ucajja.

Juan 19:24

Ucatsti soldadonacajj jupanac puraw sapjjäna: —Jan ch'iyjcañäniti, jan ucasti sorteasipjjañäni, qhitirus wact'ani uc yatiñataqui —sasa. Uqhamanwa Kellkatajj phokhasi: “Isejj-jja jupanacpuraw lacjasipjje, isejj-jjarusti suerte jaktapjjaraqui” Uqhamwa soldadonacajj lurapjjäna.

Juan 19:36

Acanacajj lurasïnwa; cunjämtejj kellkatanacan siscäna: “Janiw mä ch'aqhaps p'acjapcaniti” sasa, uqhamarjam phokhasiñapataqui.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Juan 6:70

Jesusasti ucjjarojj saraquïnwa: —¿Janit jumanaca tunca payaniru ajllipcsma? Ucampis jumanacat maynïriwa supayajja —sasa.

Hechos 1:16

“Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

Hechos 1:2

cunürutï alajjpachar catokatäjjänjja ucürcama, take ucanacjjata. Jesusajj janïra alajjpachar maqhatcasinjja, apostolonacaparuw ajllisïna. Ucatsti Kollan Ajayu tokeraquiw ewjjawayäna cuntejj lurapjjañapäcäna ucjjata.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.