Juan 12:3

Aymar Bibliia 1986

Mariajj apanïnwa, niya quimsa patac gramo nardocamac lurat k'apquir kolla. Uca kollasti wali jila alanïnwa, ucampisti Jesusan cayuparuw warjjatäna, ucatsti ñic'utapampiraquiw phisqhuräna. Uca k'apquir kollasti utpacharuw k'aphipampejj phokhantäna.

Jak'a apnaqawi uñst'ayäwi

Proverbios 27:16

Cunjämatejj thayajj jan catthapiñjamäquejja, janirac aceites amparar catjjäsiñjamäquejja, uqhamawa uca warmejj jan jarc'añjamäquiti.

Cantar de los cantares 1:12

Reyejja samarañapan samart'qui ucchañcama, nardo sat kollajjas sumwa k'aphitati.

Cantar de los cantares 1:3

perfumeman k'aphipas muct'atajj wali sumaraquiwa, sutimasti suma perfume wartatjamaw k'aphiraqui. ¡Ucatwa warminacajj wali munapjjaractamjja!

Cantar de los cantares 4:10

¡Cunja sumas juman munasiñamajj, cullaquita, nayan munatajja! ¡Munasiñamasti vinot sipansa juc'ampi mojjsawa, uqhamarac perfume sat suma k'aphi kollanacamasti wali sumawa yakha suma k'apquiri kollanacat sipansa!

Lucas 10:42

Ucampis mayaw waquisejja. Mariajj sumïrïquis ucwa ajllisi, janiraquiw ucjj qhitis apakcaniti —sasa.

Lucas 7:46

Jumajj janiw aceitempis p'ekejjatjja warjjat'quistati, ucampis aca warmejj suma k'apquir aceitempiw cayunacajjarojj warjjatt'itu.

Juan 11:2

Aca Lazaron cullacapawa, María satäqui ucapï suma k'apquir kollampi Tatitun cayuparu warjjatataynajja, ucatsti ñic'utapampiraquiw phisqhuratayna.

Juan 11:28

Martajj ucanac arsusinjja María cullacaparu jawsiriw saräna, ucatsti jamasatwa yatiyaraquïna: —Yatichirejj acanquiwa, jawsasctamwa —sasa.

Juan 11:32

Mariajj Jesusan ucaru purisinsti, Jesusan cayunacaparuw quillt'asi ucatsti saraquiwa: —Tata, jumatejj acancascasamäna ucajja, jilajjajj janiw jiwcasapänti —sasa.

Juan 19:39

Uqhamaraquiw cawquïritejj nayräjj aruma sarcatayna Jesusampi parliri uca Nicodemojj quimsa tunca kilo mirra áloe quittata suma k'apquir kolla apt'ata purini.