Juan 12:26

Aymar Bibliia 1986

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Jak'a apnaqawi uñst'ayäwi

Salmos 17:15

Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Proverbios 27:18

Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.

Números 14:24

Caleb sat sirvirejj sapaquiw yakha suma amtäwinejja, jupaquiw chekpachan ist'itänjja, ucatwa jupajj mantanejja cawquïri oraktejj uñjir sarqui ucarojja, ucatsti wawanacaparaquiw ucanjja utjasipjjani.

Números 32:11

cawquïri jakenacatejj Egiptot mistunipqui pä tunca maranit amstaru, ucanacajj janiw uñjapcaniti, cawquïri oraktejj arupampi arsusin Abraham, Isaac, uqhamarac Jacob ucanacaru sisqui ucanacjja, jan jupanacan take iyawsañampi arcapjjatap laycu.

Mateo 16:24

Jesusasti discipulonacaparojj saraquiwa: —Maynitejj nayar arcañ munchitu ucajja, jupa quipcat armt'aspan, ucatsti arquitpan jacañap apt'asirjamäcchi ucasa.

Mateo 25:21

Patronasti juparojj siwa: “Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim” sasa.

Marcos 8:34

Jesusasti discipulonacaparu, jakenacampiru jawsasinjja saraquïnwa: —Maynitejj nayaru arcañ munchitojja, jupa quicpat armt'aspan, ucatsti arquitpan jacañap apt'asirjamäcchi ucasa.

Lucas 12:37

Cusisiñanïpjjewa cawquïr uywatanacarutï uywiripajj suyquiri jicjjatqui ucanacajja. Khanacwa sapjjsma, uca uywiripajj jupa quicpaw wact'ayasin mesar kont'ayasajj mank'jja loktaraquini.

Lucas 6:46

¿Cunatarac jumanacasti: “Tata, Tata” sapjjesta, ucatjja janirac cuntï sapcsma ucjja lurapctati?

Lucas 9:23

Ucjjarusti takeniruw saraquïna: —Maynitejj nayar arcañ munchitu ucajja, jupa quicpat armt'aspan, crusap apt'at sapüru arquitpan, jacañap apt'asirjamächi ucasa.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 13:16

Khanacwa sapjjsma, janiw ni qhiti uywatas uywiripat sipanjja juc'ampïquiti, ni qhiti qhitatas qhitiripan ucatjja juc'ampïquiti.

Juan 14:15

“Jumanacatejj munapjjchistajja, camachinacajj phokhapjjam.

Juan 14:3

Sarasinsti ucat mä utjäw waquichasinjja, wasitampiw jutä jumanacaru irpasjjañataqui, cawqhanccätï nayajj jumanacajj ucqhancapjjañamataquiraqui.

Juan 15:20

Amtasipjjam cuntejj sapjjäyäsmajja: “Janiw qhiti uywatas uywiripat sipanjja juc'ampïquiti” sasa. Nayarojj uñisipjjetuwa, jumanacarojj uñisipjjaraquïtamwa; yatichäwinacajjtejj imapjjchejja, jumanacan yatichäwinacamjja imapjjaraquiniwa.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Juan 21:22

Jesusasti sänwa: —Nayatejj muniristjja jupan jacañapa nayan cutt'aniñajjcama, ¿cuna waquisiris ucajj jumataqui? Jumajj arquita —sasa.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

2 Corintios 5:8

Ucatsti take iyawsañaw utjistu, ucampis jiwjjañacwa munsnajja Tatitumpi jaquir sarjjañataqui.

Gálatas 1:10

Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.

Filipenses 1:23

Nayataquejj wali ch'amawa aca payat cawquïri ajllisiñasa, mä toketjja jiwañ munirista ucat Cristompi chicäjjañataqui, ucasti nayataquejj juc'amp sumäspawa.

Colosenses 3:24

Yatipjjaractawa, Tatitojj jumanacan luratanacamatjja mä herencia churapjjätam, jumanacasti Cristoruw sirvisipctajja, juparaquiw chekpachansa Tatitojja.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

2 Pedro 1:1

Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: “Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.