Juan 12:23

Aymar Bibliia 1986

Jesusasti ucjjarojj sänwa: —Jaken Yokapan jach'añchatäñap horasajj purinjjewa.

Jak'a apnaqawi uñst'ayäwi

Isaías 55:5

Jan uñt'at marcanacaruw jumajj jawsäta; cawquïri marcanacatejj jan uñt'apcäyätam ucanacaw juman ucarojj jalanipjjani, naya juman Tatituma, Israelan Kollana Diosapa, jumaru jach'añchatajj laycu.

Isaías 60:9

Ucanacasti kotanjam jutir barconacawa, mayaquiw jutapjjaraqui Tarsisanquir barconacampi irpata, jayatpachwa wawanacamjja irpanjjapjjaraqui, koripas kollkepas apt'ata, Tatitumar jach'añchäwi churasa, Israelan Kollan Diosaparu, qhititejj jumarojj wali suma tucuyctam ucaru.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Mateo 26:45

Cuttanjjasinjja discipulonacapan ucaruw jutjjäna ucatsti saraquïnwa: —Jichhajj samarapjjam, ict'apjjaraquim. Niyawa horasajj purinjje Jaken Yokapana juchararanacan amparanacaparu catuyatäñapajja.

Marcos 14:35

Ucatsti Jesusajj nayrakatar sartasin oraker alt'asaw quillt'asïna. Uqham quillt'asisinsti mayisïnwa: “Awquiy, waquisispa ucqhajja, aca t'akhesiñjja apakt'ita” sasa.

Marcos 14:41

Quimsïri cutin jutasinsti saraquïnwa: —Jichhacuch icjjapjjam, samarapjjaraquim, uqhamaquïpan, horasajj purinjjewa, Jaken Yokapasti juchararanacan amparapar catuyatäjjaniwa.

Juan 12:16

Kalltanjja discipulonacapajj acanacjja janiw amuyt'apcänti. Cunapachatejj Jesusajj alajjpachar aptatäjjän ucqhaquiw amtapjjäna take acanacajj jupjjat kellkatäscatapa, uqhamarjama phokhasiscataparaqui.

Juan 12:27

Jichhajj wali llact'atätwa; ¿camsäsa? ¿“Awqui, khespiyita cunatejj jichhajj pasquitani ucat” säti? Uqhamäñapataquipuniw nayajj jutta.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 7:39

Ucampejj Jesusajj sañwa munäna, qhitinacatejj iyawsapcani ucanacajja Kollan Ajayu catokapjjani. Janïraw Kollan Ajayojj jutcataynati, Jesusajj janïra alajjpachar aptatätap laycu.