Juan 10:6

Aymar Bibliia 1986

Jesusasti aca uñacht'äwimpiw amuyt'ayañ munäna, ucampis jupanacajj janiw amuyt'apcänti cuntejj sañ muncän ucjja.

Jak'a apnaqawi uñst'ayäwi

Salmos 106:7

Nayra awquinacajjajj Egipto marcan janiw muspharcañ luräwinacam amuyapcänti; jach'a qhuyapayasiñamat armasipjjäna, Mar Rojo kota jac'an jumarojj kallcatapjjäyätam.

Salmos 82:5

“Jumanacasti janiw yatipctati, janiraquiw amuyt'apctasa, ch'amacan sarnakapjjtajja. Aca oraken utt'äwipasti qhathatisquiwa.

Proverbios 28:5

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Isaías 56:11

mank'at jiwat anunacäpjjewa, janiraquiw sisthapipquisa, jan cun amuyiri awatirinacäpjjaraquiwa; sapa maynis thaquipanac sarasipqui, cunatejj jupanacataquejj asquïqui ucacwa thakhasipqui.

Daniel (hebreo) 12:10

Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Mateo 13:34

Jesusasti take acanacwa jakenacarojj uñtasïwi tokenacampi amuyt'ayäna; jan uñtasïwi tokempisti janiw cuns parlcänti.

Mateo 13:51

Jesusasti ucapachajj jupanacarojj jisct'änwa: —¿Jumanacajj take acanacjja amuyapjjtati? —sasa. Jupanacasti sapjjänwa: —Jïsa, Tata —sasa.

Marcos 4:34

Janiw cuns uqhamaqui parlcänti, jan ucasti uñtasïwinac tokew parläna, ucampis discipulonacaparojj take ucanacatjja sumpun khanañchäna.

Juan 16:25

“Acanacjja jumanacarojj uñacht'äwinac tokew sapjjsma; ucampis horasajj purininiwa, ucansti janiw uñacht'äwinac tokejj parlcjjapjjämati, jan ucasti khanacwa Awquejjat parlapjjäma.

Juan 16:29

Discipulonacapajj ucjjarojj sapjjänwa: —Jichhajj khanacwa parltajja, jan uñacht'äwinacampiquiraqui.

Juan 6:52

Judionacasti uc ist'asinjja jupanac puraw ch'ajjwthaptapjjäna: —¿Cunjäms acajj pachpa janchipat mank'ayistaspajja? —sasa.

Juan 6:60

Aca yatichäwinac ist'asinjja waljaniw Jesusan arquirinacapat sapjjäna: —Ch'amaw aca arunacap iyawsañajja, ¿qhitirac juparusti ist'ani? —sasa.

Juan 7:36

¿Cun sañs muni aqham satapampejja: “Thakapjjetätawa ucampis janiw jicjjatapquitätati,” sasajja?

Juan 8:27

Ucampis jupanacajj janiw amuyapcänti Awquit parlatapjja.

Juan 8:43

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

1 Corintios 2:14

Qhititejj jan Dios chuymäqui ucajj janiw catokañ munquiti Diosan Ajayupan yänacapjja. Jupataquisti Diosan yänacapajj lokhe cancañäcaspas uqhamawa. Janiw amuyt'apquiti ucanacajj ajayu tokena amuyt'añätap laycu.

2 Pedro 2:22

Ucampis ucanacampejj cunatejj sisqui ucaw phokhasisqui ucatsti siwa: “Anojj wak'sutaparuw cutjjatasjje, ucqha jarekat qhuchisti wasitatwa ñek'eru sunt'sjjaraqui” sasa.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.