Juan 10:42

Aymar Bibliia 1986

Ucawja chekansti waljaniraquiw Jesusar iyawsapjjäna.

Jak'a apnaqawi uñst'ayäwi

Juan 11:45

Mariaru chuymachiri sarapcatayna uca judionacatjja waljaniw Jesusan luräwinacap uñjasina juparojj iyawsapjjäna.

Juan 12:42

Uqhampachas walja judionacaw Jesusar iyawsapjjäna, yakhep jilïri wali aytat jakenacasa. Ucampis jupanacajj janiw jakenacan ist'cata arsupcänti, fariseonacar ajjsaratanacap laycu, sinagogat jan jaksuyasiñataqui.

Juan 2:23

Cunapachatejj Jesusajj Jerusalén marcanccäna Pascua fiestanjja, waljaniw jupar iyawsapjjäna milagronac luratap laycu.

Juan 4:39

Waljaniwa Samaria marcanquirinacajj Jesusar iyawsapjjäna, warmin aqham arsutap laycu: “Take luratanacajj khanañchitu” sasa.

Juan 4:41

Waljaniw iyawsapjjaraquïna Jesusan arunacap ist'asinjja.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 8:30

Cunapachatejj Jesusajj ac arsüna ucqhajja waljaniw jupar iyawsapjjäna.