Juan 10:32

Aymar Bibliia 1986

Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Jak'a apnaqawi uñst'ayäwi

Salmos 35:12

asqui luratajjatjja, jan walimpiw cutiyapjjetu, walpun llaquisiyaraquitu.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Jeremías 37:18

Ucjjarusti Jeremiasajj Sedequías reyirojj jisct'asiraquïnwa: “¿Cuna juchsa nayajj lurtjja juma reyi tokjja, uqhamaraqui jilïrinacama toksa, jan ucajj jakenaca toksa, nayaru aqhama carcelaru uscuntapjjañamataquejja?

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Juan 10:25

Ucjjarojj Jesusajj saraquïnwa: —Nayajj sistwa, ucampis jumanacajj janiw iyawsapquistati. Cunanactï nayajj lurctjja ucanacjja Awquejjan munañapatwa lurta, ucanacaraquiw sum khanañchasqui.

Juan 10:31

Ucatsti judionacajj kalanac irtasisin wasitampiw c'upjañ munapjjäna.

Juan 10:33

Judionacasti ucjjarojj sapjjaraquïnwa: —Janiw asqui luratanacamatjja kalamp c'upjapcämati, jan ucasti Dios toke parlatamatwa. Jumajj mä jakequïtawa, ucampis Diosaruw tucuñ muntajja —sasa.

Juan 10:37

Janitejj nayajj Awquejjan lurañap lurquiristjja ucajja, jan iyawsapjjestati.

Juan 5:36

Ucampis Juanan arsutapat sipansa juc'amp suma khanañchäwiwa nayat utjitu. Cunanactejj nayajj lurcta ucajja, Awquejjajj churquitu lurañajjataqui uca pachpawa. Uca luräwinacajjaraquiw khanañchi Awquejjajj nayar qhitanquitu ucatjja.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

1 Juan 3:12

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.