Juan 10:3

Aymar Bibliia 1986

Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Jak'a apnaqawi uñst'ayäwi

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Éxodo 33:17

Ucatsti Tatitojj sascaquïnwa: —Cuntejj jumajj siscta uqhamarojj luräwa, nayansti jumaruw confiansajjajja utjitu, ucatwa nayana yanapajja jicjjattajja —sasa.

Proverbios 27:23

Ovejanacamjja suma uñjasim, ovej tamanacamatjja llaquisipunim,

Cantar de los cantares 8:13

¡Pankaranac taypinquir reina, suma arumjja ist'ayita! ¡Amigonacasasti arumjja ist'añwa munapjje!

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Juan 10:16

Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Juan 10:4

Uyut takpacha ovejanac ansusinsti, ovejanacan nayrakatapwa sararaqui, ovejanacasti arcapjjaraquiwa arup uñt'apjjatap laycu.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Juan 6:37

Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Juan 6:45

Profetanacan kellkatapanjja aqham siwa: “Diosajj takeniruw yatichi.” Qhitinacatejj juparu ist'apqui yatekapcaraqui ucanacajj nayaruw jutapjje.

Romanos 8:30

Uqham kalltatpach yakhachatanacarojj jawsjjaraquiwa, uca jawsatanacaparusti catokjjaraquiwa, uca catokatanacarusti jach'aruraquiw apti, ucanacarusti jupampïñataquiw uscu.

1 Corintios 16:9

ucansti waliw Tatitutaqui lurañajj utjaraquitu waljaninacar Tatitur uñt'ayasa, waljaninac naya contra utjcchi ucasa.

Filipenses 4:3

Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Juan 4:6

Ucampis jiwasanacajj Diosanquirïtanwa. Qhititejj Diosar uñt'qui ucajj ist'istuwa; jan Diosanquirïqui ucasti janiw ist'quistuti. Uqhamatpï uñt'snajja cawquïritejj cheka ajayunïqui, uqhamarac c'ari ajayunïqui ucsa.

3 Juan 1:14

Jan ucasti janc'aquiw uñcatañ munsma, ucqhaw jumampejj parlasiscañäni.

Apocalipsis 20:15

Ucar jakontatäpjjaraquïnwa qhitinacatï jacañ libron jan kellkatäpcäns ucanacajja.

Apocalipsis 3:20

Acajjay nayajj puncuncasctwa, lek'escaractwa. Maynitejj arojj ist'asin jist'aritanejja, nayajj jupan ucaruw mantä, jupampiraquiw mank'ä, jupasti nayampiraqui.

Apocalipsis 7:17

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.