Juan 10:14

Aymar Bibliia 1986

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Jak'a apnaqawi uñst'ayäwi

Salmos 1:6

Tatituw asqui jakenacan sarnakäwip yati, ñankha lurir jakenacan thaquipasti aynacht'añaruw puriyi.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 53:11

Uqham sinti t'akhesiña tucusitapatsti jupajj khana uñjani, uc yatisitapatsti c'uchiquiw uñjasjjaraquini; Tatitun cheka sirviripasti waljaniruw khespiyani, jupanacan juchanacapsti aparaquiniwa.

Nahúm 1:7

Tatitojj wali suma Diosawa, llaquisiñ horasansti arjjatasiriraquiwa; jupasti arjjataraquiw qhitinacatejj jupar iyawsapqui ucanacarojja.

Juan 10:11

Nayätwa suma awatirejja. Suma awatirejj jacañapwa apt'asi ovejanacap laycojja.

Juan 10:13

Aca jakejj jaltawayjjewa, pago catokañ laycuquiwa awatïna janiw ovejanac laycuti.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 17:8

Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Efesios 3:19

Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

Filipenses 3:8

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

Apocalipsis 2:13

Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.

Apocalipsis 2:19

Take luratanacamjja sumwa yatta. Munasiñamsa, iyawsañamsa, sirvitamsa, llamp'u chuymanïtamsa sumwa yatiractjja. Yatiractwa jichhajj kalltat sipansa juc'ampi lurascatama.

Apocalipsis 2:2

Nayajj take luratanacamjja yattwa. Ch'ama tucutamsa, llamp'u chuymanïtamsa yatiractwa. Ñankha jakenacaru jan catokatamsa yatiractwa. Qhitinacatejj —Nanacajj Tatitun apostolonacapäpjjtwa —siri jakenacarus jumajj yant'tawa, ucampis uca jakenacajj janiw Tatituncapquiti; jumasti uqham yant'asajj catjaractawa c'arisipjjatanacapjja.

Apocalipsis 2:9

Take luräwinacamjja nayajj yattwa, t'akhesitamsa, jan cunanïtamsa yatiractwa, ucampis janiw jan cunanïcapuntati jan ucasti kamirïsctawa. “Judiöpjjtwa” siri jakenacan juma toke parlatapsa yatiractwa, ucampis janiw jupanacajj judiöpquiti jan ucasti Supayan tamapancasipquiwa.

Apocalipsis 3:1

“Sardis iglesiancquis uca angelaru kellkasin apayaraquim: “Aqham siw Diosan pakallko ajayupanïqui, uqhamarac pakallko warawaranïqui ucajja: Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 3:15

Take luratanacamwa nayajj yatta. Yatiractwa jan thayätamsa ni junt'ütamsa. ¡Mäpita thayäsma jan ucajj junt'üsmasa!

Apocalipsis 3:8

Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.